Ofurrollur...

Ég veit það ekki.

2009-06-26T19:20:00.003Z

Fuglarnir eru að vakna. Ljósunum í borginni fjölgar, tindrandi appelsínugul undir skýjunum sem taka ljósbláan lit. Ljósblárri með hverri mínútunni. Wellington er að vakna. Ég drekk kaffið mitt og legg lokahönd á greinina góðu. Hvert ætli hún fari? Hver ætli lesi hana? Hvað ætli útgáfan hafi í för með sér?

Ég veit það ekki.

Karna
- vaknaði á undan Wellington

Það er gaman að kenna.

2009-06-26T01:36:00.008Z

Þó eru málin örlítið flóknari en svo, flókin í einfaldleika sínum - eins og mál eiga að sér að vera. Kennslar er sérstök að því leiti að hún er aðstoð, stuðningur - og sama hversu óheppilegar aðstæðurnar kunna að vera, lærist alltaf eitthvað af sambandi kennara og nemanda. Báðir einstaklingar nema og sérstakt samband myndast sem lifir með okkur. Nesti og nýir skór, bæði sjáanlegir sem og óáþreyfanlegir.

Að sjá verk lifna og dafna undir eigin tilsögn er hinn mesti fjársjóður. Að sjá nemendurna læra og þroskast með verkunum sínum er ekki síður dásamlegt. Að sjá afrakstur verkefnis sem maður hefur verið mentor að, og stolta nemendurna verja útkomuna, er allgjör snilld. Allt verður svo ótrúlega tilgangsríkt.

Annað áhugavert er að portfólían sem hefur hingað til samanstaðið af skólaverkefnum og einstaka sjálfstæðu kukli, fær nú nýja vídd. Sú viðbót að kynna verk nemenda, sem unnin hafa verið undir mínum verndarvæng sýnir ekki bara hvað ég get gert, heldur hvað ég get látið gerast.

Hér eru vefsíður fjórðaársnemanna minna, design led futures

being human vissu frá upphafi hvað þau vildu, þau vildu sko ekki mig sem mentor! Þetta er hópur sterkra nemenda sem gera miklar kröfur og vinna vel. Þau sýndu góð verk frá upphafi, og þegar á leið önnina áttuðu þau sig á því að ég var ekki sem verst heldur. Þau byggja verkefnið sitt töluvert á hugmyndunum sem minn hópur -postlife- hafði í fyrra og það var strax auðvelt fyrir mig að skilja hvert þau vildu ná, hvað þau vildu afreka. Kynningin þeirra á mánudaginn var einstök, allur salurinn fékk gæsahúð.

rhizome tók lengri tíma til að átta sig. Þau voru frá upphafi viljug og jákvæð en tóku ekki upp þráðinn almennilega fyrr en um miðja önn. Þau gerðu allt á síðustu stundu og við hver skil komu þau mér á óvart. Þau enduðu á því að vera ein af þremur topphópunum, kynntu fyrst á mánudaginn og leiddu salinn inn í það sem koma skyldi á áhrifaríkan hátt.

og hér er Karna Kennari með börnin, sem bannað er að kalla börn:

Lokaskil þriðjaársnemanna - skólastjórinn er lengst til vinstri. Seb tók myndina.

Human Being Being Human - Þau eru ekki eins saklaus og þau líta út fyrir að vera! Ég er enn marin og blá eftir þennan í hvítu skyrtunni.

K
- stolt af nemendahrúgunni sinni

Miðsvetrarjól

2009-06-25T01:09:00.003Z

eða winter solstice. Mér líkar betur að halda upp á vetrarsólstöður en miðsvetrarjól, þó í raun sé það eitt og sama. Það vantar líka Jesúbarn í Júní ef halda á uppá jólin þá, fattaði reyndar að Runa gamla á afmæli 24Júní. Það var ákveðið í fyrravetur. Runubarn var fætt á miðsvetrarjólum. Æ, ég veit það ekki.

En við Sahra héldum hátíð, hvað sem hún er kölluð. Við keyptum blóm sem heitir blóm en lítur út eins og kálhaus. Keyptum einnig kálhaus og bökuðum hann, bárum svo fram með blóminu. Þetta átum við með peru-bygg-risotto og Sahra útbjó ávaxta desert. Lindt kúlur of ostar til að toppa alltsaman.

Þetta var hin mesta skemmtun. Svo sofnuðum við.

Karna
- júníjólabarn

Skálað fyrir DLF

2009-06-23T01:39:00.005Z

DLF gekk vel, krakkarnir stóðu sig konunglega og ég var stolt af hópunum mínum. Þau sýndu afar góð verk og fengu góð viðbrögð. Eftir skilin fórum við á barinn og allt var með sóma. Sá sómi stóð ekki lengi, stigbreyttist í ósóma og fyrir kvöldverð tók ég mér lúr. Mér leyst ekkert á blikuna. Ég hitti hópinn aftur fyrir mat og áður en máltíðin var á enda var ég komin með logo beggja hópanna minna á handlegginn, búin að fara í prjónasúpukappát* og fá skál! fyrir að vera besti tutorinn. Þetta var allt hin mesta skemmtun.
*það er að borða súpu með prjónum eins hratt og maður getur, það má ekki lyfta skálinni

KennaraK
- casual as

Nú er hún á enda...

2009-06-21T19:31:00.004Z

...lengsta nóttin í Aotearoa. Dagurinn hefur göngu sína, örlítið lengri en sá síðasti. Sólin er að kíkja yfir Rimatakas fjallgarðinn og brátt gyllir hún Wellington Harbour.

Í dag eru lokaskil nemendanna minna. Síðasti skóladagurinn. Þrjiðja árs áfanginn sem ég kenndi kláraðist fyrir tveimur vikum en í dag, sjáum við afrakstur fjórða árs krakkanna úr dlf Design Led Futures.

DLF er verkefni þar sem ungir hönnuðir velta fyrir sér heiminum tugi ára fram í tímann. þrátt fyrir að vera byggt draumkenndum og ímyndaðum heimi, er tilgangur dlf ekki að búa til SciFi umhvevrfi. DLF er tækifæri til að velta fyrir sér möguleikum og verðleikum heimsins án þess að binda sig við tækni og viðhorf dagsins í dag. Tækifæri til að velta fyrir sér undirstöðum þess að vera manneskja, og að taka þátt í heiminum.

Það er skrýtið að vera ekki með. Hálfpartinn útundan, en á sama tíma er lærdómsríkt að sjá herlegheitin utanaðfrá. Í fyrra var þessi dagur einn sá strærsti, lokaskil dlf er mikilvægur áfangi. Mikil vinna að baki, og viðhorfin hafa breyst. Í ár, sit ég eftir atvinnulaus í lok dags, full efa um að hafa staðið mig nógu vel. Því ekki fæ ég einkunn, eða staðið í kladdann. Aðeins síðasta launaseðilinn, sem segir ekkert miðað við að hafa verk að baki, sýnileg fingraför og spor í sandinn.

En ég kvarta ekki, dlf var hin mesta skemmtun og ég vonast til að kenna þennan áfanga áður aftur við tækifæri. Ég væri næstum til í að taka hann aftur. DLF er lífsreynsla, ekki áfangi.

K
- framtíðarkind

Klukkan í mér

2009-06-21T05:37:00.002Z

Klukkan í mér tikkar ekki uppá börn, og ekki tikkar hún uppá aldursáhyggjur eða hrukkur*. Klukkan í mér slær ár hvert þegar sólstöður bera að garði. KlingKlong og ég veit að eitthvað hefur breyst. Sennilega eru þær áhrifaríkari þar sem ég upplifi vetrarsólstöður samtímis Íslands björtustu sumarnótt. Ég sit í myrkrinu og í huganum skipulegg ég miðvetrarjólin**. Því ekki að fagna við hvert tækifæri?
*Allavega ekki áhyggjum af hrukkum.
**Jól að miðjum vetri, að NýSjálenskum tíma, þ.e. Júní.

Karna
- öfugsnúin á hvolfi

Ein við sjálfa mig

2009-06-20T18:07:00.002Z

Það er ágætt að blogga á dauðu bloggi. Sérlega er það heppilegt við þessar aðstæður. Ég skal segja söguna, - sjálfri mér í versta falli.

Ég er svoddan slugsi að vera í sambandi við fólkið mitt á Íslandi, sérstaklega meðan skólinn var í gangi og ég að einbeita mér að eigin rútínu. Ég hef aldrei almennilega lært að tala í síma, og auk þess finnst mér fólk alltaf vera hjá mér - því það er alltaf með mér í huganum, og hjartanu.

Þegar mamma kom í heimsókn í janúar* áttaði ég mig á því, sem mig hafði reyndar grunað, að íslenksukunnátta mín væri í hættu. Það er hálfsárt að finna, þó hún hafi aldrei verið uppá marga fiska** þá fannst mér ómögulegt að geta hvorki fundið orð eða hljóð sem mig vantaði - hvað þá sett þau saman og myndað setningar. Orðatiltæki og vísanir voru líka út og suður um allt. Einu sinni sagði mamma: "þú slettir svo mikið að ég skil varla hvað þú ert að segja". Þar var ég að reyna að útskýra mig á beyglaðri karnísku, orðum héðan og þaðan klínt saman í óskiljanlegan hnút.
*á næstu dögum ég get sagt nokkrar góðar sögur af þeirri uppákomu.
**nema þarna fyrir ISL403 prófið, þá var hún í sögulegu hámarki.

Hvað gera bændur þá? Það veit ég ekki, en ég fór að hugsa. Á sama tíma var ég að glugga aftur í Dramaland Andra Snæs og velti því fyrir mér hvort ég ætti að koma og bjarga Íslandi*. Hann talaði þar um að ef orðaforði fólks væri takmarkaður, hefði það áhrif á dýpt umræðunnar og í kjölfarið yrði hugsunin snautleg. Ég varð miður mín, og ákvað að reyna að hugsa á íslensku, minnug þess þegar pabbi stóð yfir mér fyrir Ecuadorferðina og margsagði mér að ég yrði að hugsa á Spænsku frá upphafi dvalar**.
*sem varð síðan undir í ákvarðanauppboðinu.
**sem ég reyndi hvað best ég gat þrátt fyrir einkar takmarkaða spænskukunnáttu. Í tvo mánuði hugsaði ég um banana.

Svo tók ég upp gamla kylju sem fylgdi okkur Völundi hingað suðureftir um árið, Halldórs Sjálfstætt Fólk. Margar góðar minningar tengjast þessari bók. Á baðstofuloftinu í Ártúninu lásum við hana, ein og sér, fyrir hvort annað eða hlustuðum á Arnar Jónsson tala Bjart. Stundum hlustuðu Nökkvi og Vala með okkur, sagan var þung fyrir börnin en það gerði ekki til - nærveran var notaleg. Margar áttum við Jón Özur umræðurnar um Bjart í eldhúsinu, meðan ég skar lauk og lærði karrígerð að meistaranum. Við Alda deildum Sóllilju, ef ég man rétt var hún reið við Bjart.

Svo kom verkefni. Það er að verða á annað ár sem við Maxe* höfum unnið að verkefni um leiklist og hönnun, nú var komið að því að koma hugmyndunum á blað. Ég hóf að skrifa akademíska ritgerð á ensku, og heilabúið var að springa - rétt eins og þúsundáragamla öryggið í rafmagnstöflunni hennar Maxe. Ég lagaði öryggið með vír, fékk rosa straum því ég hafði gleymt að slökkva á aðallínunni**, en rafmagnið komst í lag. Þótti mér við hæfi að laga heilabúið í leiðinni, með vírlausu interneti og blogger og sjá hvort ég fái straum. Ástæðan fyrir skyndilegri endurkomu hér á rollunni er því, að mestu leiti allavega, til að þjálfa íslenskuna, rækta hugsunina og varast þess að heilinn breytist í hor sem snýtt er útum nös.***
*mentorinn minn og vinur góður.
**main switch, ég er að gera mitt besta.
***Þessi myndlíking er frá GF, mér líkar hún vel. Bæði líkingin og frænka. Held hún hafi líka átt afmæli um daginnn, sko frænka. Til hamingju frænka!

Við það að hefja daginn á örskrifum um hittið og þettað er tilgangnum náð, með von um að smátt og smátt vaxi ég aftur inn í móðurmálið mitt. Í morgunn, eins og síðustu daga vakna ég í myrkrinu. Ég helli uppá expresso, kaffi með soya í eitt glas, heitt vatn með sítrónu í annað. Ofninn blæs heitu á mig. Ég skrifa. Fyrst til ykkar, á íslensku - svo til heimsins á ensku.

Við skrif rannsóknargrein.*
*ofnotar maður fótnótur.**
**hvernig segir maður footnotes á íslensku?

K*
- *allt er útaf einhverju

Herra Sigurðardóttir

2009-06-20T04:32:00.002Z

Ég minnist þess allavega einu sinni, ef til vill tvisvar, að fólk hér geri athugasemd um föðurnafnið mitt. Þetta eina sanna, sem ég myndi ekki skilja við hvað sem í húfi væri. Sumir minnast á SigurRós, aðrir hafa grunnþekkingu á íslenskum föðurnöfnum og skilja hvað "dóttir" þýðir. Flestum fallast þó hendur og vita hvorki upp né niður.

Ég leik mér stundum að því að kalla vini mína Herra eða Frú *eftirnafn. Þau þagna um stund og segja svo: "Hæ Karna!". Þá glotti ég, en þau skammast sín.

Ungur maður sem ég kynntist um daginn hefur velt því fyrir sér um tíma hvort hann ætti að skipta um eftirnafn. Þar sem hann hefur ekki enn komist að nógu sniðugri niðurstöðu hefur ekkert orðið úr nafnaskiptum. Við lögðumst yfir málið en stönduðum fljótlega á sömu skerjum og hann hefur gert svo oft áður. Að lokum segi ég: "ja, þú gætir alltaf fengið mitt að láni". Við brosum, og skiptum um umræðuefni.

Næsta sem ég veit er að þessi ágæti maður er með nafnið í prufukeyrslu. Hann hefur nú þegar breytt email nafninu sínu í S Sigurðardóttir til að sjá hvort honum líki breytingin. Hugsanlega, bráðum, gengur ungur Þjóðverjakiwi* stoltur um með föðurnafnið Sigurðardóttir.
*Þjóðverji sem hefur alist upp í kiwilandi. Þetta er eins og hálfgerður flugvöllur hérna.

Þetta, ásamt öðru, gleður mig þessa dagana.

Karna
- dóttir Sigurðar

súkkulaðigrís

2009-06-19T23:41:00.002Z

Ég fann nýtt súkkulaði. Ég er ekki frá því að þetta sé eitt það besta súkkulaði sem ég hef smakkað. 62% með rifnum kakóbaunum. Þvílík dásemdaráferð, og bragðið svíkur engann. Skál fyrir Whittakers og ástríðu þeirra fyrir súkkulaði síðan 1986.

K
- chocked out

One Way Ticket

2009-06-19T21:58:00.003Z

Það er ótrúlegt hvað heilabúið getur verið ruglað í rýminu. Í sjálfu sér hefur ekkert breyst síðan ég keypti miðann, nema það að rúmur hundraðþúsundkall hefur verið gjaldfærður á kortið mitt og vesalings flugstarfsfólk einhversstaðar í netheimum baslar við blessað föðurnafnið mitt.

Flugmiði aðra leið. Hljómar eins og refsing, dæmd í útlegð. Svo er víst ekki. Nú hef ég setið af mér fjörbaugsgarð, og tími til að snúa heim á leið. Mér er hugsað til Grettis gamla, og alla hinna, sem refsað var með útlegð. Að snúa heim er annar í refsingu, það er viss refsing falin í að vera frjáls ferða sinna. Það er ekki síður sárt að yfirgefa hina nýju heimahaga. Heima er þar sem maður býr sér heimili, en samt sem áður eru ræturnar aðeins á einum stað. Paradox. Dilemma. Ég neita því ekki.

Aftur að heilabúinu. Frá því að ég fjárfesti í miðanum góða, sem færir Ísalandinu týnda sauðinn sinn í september, hefur allt verið öðruvísi.

Öðruvísi. Heppilegra, lukkulegar, hamingjuríkara, gleðilegra, bjartara, skemmtilegra, tilgangsríkara, skýrara. Ekki bara mitt viðhorf, heldur einnig utanaðkomandi uppákomur. Nú spyr ég, er heilabúið mitt fært um að hafa áhrif á alla þessa þætti einntveirogbæng við það eitt að kaupa flugmiða?

Hvað um það og hvernig sem á því stendur, þá eru þessar síðustu vikur í Wellington dásamlegar - 7.9.13. Lokaskil nemendanna minna á mánudag og ferð til SuðurEyjunnar í kjölfarið. Lucky fékk skoðun. Það snjóar niðurfrá. Frostmorgnar.

Kfling
- brosandi á báðum áttum

Það kom að því

2009-06-18T06:03:00.003Z

Það var þá loksins að ég lagaði blessaða kindina, sem hefur verið í lamasessi í hálft ár. Afsakið co-rollur.

Er ekki komin tími á ársfund?

Einhver veltir því sjálfsagt fyrir sér hvernig stendur á þessari skyndilegu blogg-gleði, ástæðan er einföld - ég á að vera að skrifa. Procrastination. Var einmitt að útskrifast með BA í tímaeyðslu.

Er að skrifa grein. Mín fyrstu akademísku skrif. Greinin er um rannsóknir á gatnamótum hönnunar og leiklistar. Gatnamót. Intersection. Það er kominn tími fyrir mig að sækja ykkur heim. Ég er orðlaus.

Blogg-gleði yfirstaðin.

Kbomb
- íslensk-orð-laus

Rollan er biluð

2009-01-31T21:08:00.002Z

Allar myndir dottnar út, en myndtæknideild rollunnar í Andfætlingalandi hefur verið gert viðvart og vonandi verður þetta komið í lag bráðlega :)

Af mér er allt prýðilegt að frétta, gengur bara vel í skólanum og enn hefur heilinn á mér ekki skorpnað upp og dottið út um nefið á mér. Líkar bara ljómandi vel við þetta allt saman, sem er magnað miðað við hvað ég hef fengið að heyra það oft síðustu mánuði frá ólíklegasta fólki hvað ég hafi valið mér ógeðslega leiðinlegt og glatað nám.

Eníveis, ætla að fara að stafrófsraða mér til skemmtunar og yndisauka!

geómetríz
-kann nú stafrófið afturábak og áfram-

Gleðileg jól!

2008-12-24T05:16:00.005Z

Í sannfæringu um að sól og bbq (þá meina ég þetta með kolunum, ekki kórollan) vegi upp á móti snjó og rjúpuketi ákvað hún að verja júletíðen þarna hinummegin - þar sem hún hefur dvalið síðustu þrjú árin en hefur enn ekki hugmynd um hvernig hún endaði þar uppi. Lítið fór fyrir munaðarleysingjajólaundirbúningi en tíminn færði fregnir um að þau væru á leiðinni, jólin, eins og vanalega. Svikin sólinni, voru jólainnkaupin gerð í rennandi rigningu. Tortellini, ostur og rauðvín. Minnir óneytanlega á munaðarleysingjapáskana sem þær Lóa vörðu á Ullartanganum sextán ára gamlar, bryðjandi hrátt pasta og sötrandi rauðvín.

Tólf mínútur í jól áttaði hún sig á aðstæðum, og jólaskortinum í hjartanu. Jólasturta og ríkisútvarpið, bíddunúvið - já, kanill og negull í pott, hvað með að þurrka mylsnuna af eldhúsborðinu? Vökva blómin - æ nei, þau eru að drukkna í rigningunni! Hólíkrapp... kveikja á seríunni, rauðvín í glas... stelast í ólífukrukkuna. Djúpurnar frá mömmu, já lakkrís og nóasúkkulaði. HEY! Baggalútur. Þar kom það, þeir eru jólin!

Klukkan slær jólin inn.

Á hvítum náttslopp í rolluinniskóm, nýböðuð og vel greidd. Henni sýnast tvær flugur elskast á eldhúsbekknum, hjartað er meyrt og hún óskar ástföngnu flugunum gleðilegra jóla. Við nánari aðgát reynist þetta könguló, í miðju kafi að tortíma flugu. Með jólaviljanum tekst henni að sjá fegurð í aðtæðunum, köngulónni að veiða sér dýrindis jólasteik.

Jósep sendir sms.

Verði ykkur rjúpan að góðu, rjómarúsínubrauð!
Amen.

Karna
- Ég kemst í jólafíling, geggjaðan jólafíling! -

NOTICE

2008-11-09T02:45:00.004Z

Karna Sigurðardóttir, born September 23 1984 in the city of Egilsstaðir, currently living in Wellington, New Zealand's creative capital - IS NO LONGER A STUDENT!

K A S
-takk fyrir-

Hugleiðing tvö

2008-10-27T14:51:00.003Z

Þar sem milljónirnar sem ég átti í húsinu fara snarminnkandi í verðbólgunni þá datt mér eitt í hug.

Ef mér verður stýrt í gjaldþrot af vanhæfri ríkisstjórn þá er bara eitt að gera. Kasta lyklunum í af húskofanum í hausinn á félagsmálaráðherra, kasta fúleggjum í stjórnarráðið og skíta á bílhúdd forsetisráðherra og á dyraþrepi viðskiptaráðherra. Flytja svo til Noregs.

Svo munið þið vinir mínir lesa um óhroðann í mogganum og fáið jólakortið frá Trömsö.

Góðar Stundir
Ingunn BBQ
-Norðmaður með stabílar norskar krónur í vasa-

Hugleiðing

2008-10-20T09:32:00.003Z

Ef verstu spár rætast um verðbólgu, er ekki súrrealískt að þeir (bankarnir) sem komu okkur í þetta djöfulsins fokk verða þeir sem græða hvað mest á verðtryggðum lánum í landinu.
Er það ekki fáránlegt að fólk sem tók lán og var borgunarmanneskjur fyrir því horfa fram í gríðarlegar hækkanir sem lækka ALDREI.

Ekki má skilja orð viðskiptaráðherra öðruvísi en svo, að verðtryggðulánaeigendum verður ekki komið fyrr til bjargar en þegar í þrot er komið. Jahá, sem sagt lánið mitt má verða 50 milljónir ÓAFTURKRÆFT áður en mér verður hjálpað? Lán sem var helmingi minna. Á eign sem er metin á ríflega 30 millz.

Dreptu mig ekki.

Verðtrygging á húsnæðislánum er skekkja í kerfinu og þekkist hvergi annarsstaðar í Evrópu. Nú á endanlega að setja meðlajónin á hvolf.

Góðar Stundir
Ingunn BBQ
-On þe sörvæf-

það þarf svo lítið til að skemmta mér

2008-10-14T17:05:00.004Z

...sérstaklega á þriðjudögum.

geómetríz
-á bandvitlausri hyllu-

Halló!

2008-10-12T12:33:00.004Z

Í byrjun september setti ég mér afskaplega skýrar vinnureglur um bloggtíðni mína. Þær eru að blogga aldrei nema þá daga sem krónan fellur ekki og það er gott veður í Reykjavík.

Þar sem þetta tvennt hefur ekki enn gerst sama daginn síðan þá held ég að ég verði eitthvað að endurskoða þetta.

Eníveis, mamma klukkaði mig um daginn og ég verð víst að svara kalli...

Fjögur störf sem ég hef unnið um ævina:
1. Ungfrú 118 góðan dag
2. Kassadama í Rúmfatalagernum í 9 klukkutíma
3. Mjaltakona í Skriðdal 2 sumur
4. Tjaldvörður í Atlavík 2 sumur

Fjórar bíómyndir sem ég gæti horft á aftur og aftur:
1. Little Miss Sunshine
2. Mary Poppins
3. Stella í orlofi
4. Sódóma Reykjavík

Fjórir staðir sem ég hef búið á
1. Vallahreppur
2. Austur-Hérað
3. Fljótsdalshérað
4. Egilsstaðir

Fjórir sjónvarpsþættir sem mér líkar
1. Næturvaktin
2. Dagvaktin
3. Little Britain
4. Man ekki eftir fleiru, kveiki aldrei á sjónvarpinu.

Fjórir staðir sem ég hef heimsótt í fríum
1. Danmörk
2. Krít
3. Tyrkland
4. Raufarhöfn city (skarar framúr á þessum lista haha)

Fjórar bækur sem ég les oft í
1. Ensk íslensk orðabók
2. Flokkunarkerfi Deweys, stytt útgáfa (ekki stuðrit)
3. Records and Information Management (eftir stórvin minn Saffady)
4. Dauðarósir e. Arnald (er búin að vera að lesa hana í mánuð, les svona 2 setningar og sofna svo)

Fjórir staðir sem ég vildi vera á núna
1. Sofandi í rúminu mínu
2. Bara einhversstaðar annarsstaðar en í vinnunni
3. Í heimi þar sem engin símanúmer eru til
4. Var ég búin að segja sofandi í rúminu mínu?

Fjórar manneskjur sem ég skora á að svara þessu líka
Nenni ekki, mega allir svara sem vilja bara :)

geómetríz
-þreyttþreyttþreyttþreeeeeyyyytt-

Sjitturinn titturinn.

2008-10-06T16:00:00.003Z

Var að skoða yfirlit yfir fasteignagjöldin hjá okkur.

Það kostar okkur sjötíuþúsundkjell á ári að skíta.
Holræsagjöldin eru sko ekkert grín. Spurning hvort það borgi sig að grafa holu í skóginum.

Svo eru það vinsamleg tilmæli til hundeigenda á Egilsstöðum. Ef þið (sumir, ekki allir) hafið ekki geð í ykkur að hirða upp úrganginn eftir rakkana ykkar, altsvo SKÍTINN, þá hafið þið ekkert við hunda að gera. Helvítis hundaskítshraukarnir hérna á bakvið hús eru farnir að toppa verstu þúfurnar og andskotanum leiðinlegra að geta ekki sleppt krakkanum í gönguferðum án þess að eiga hættu á að hann detti á trýnið ofan'í einn slíkann haug.
Skógurinn er undirlagður af hundaskít og í sumar í hitunum gaus upp skítafýla sem hefði getað staðist samanburð við Kalkútta og Cancún.

Ábending, það eru TVÆR ruslafötur í skóginum. Það drepst enginn á því að labba með hundaskít í poka í 5 mínútur.

Ábnding tvööööö. Hjá Kiddý í dýralæknastofunni fást fyrir spottprís hundaskítspokar með alkyns ilmtegundum.

Góðar Stundir
Ingunn BBQ
-Í skítahugleiðingum-

Sá launaseðilinn.....

2008-09-29T17:43:00.002Z

....minn í dag og missti allan metnað.

Þegar allt var í krónum og aurum talið, sá ég fram á það að geta ekki einu sinni skilið við Pé þótt mig langaði kannski til þess einhvurn daginn. Það borgar sig bara ekki. Gróflega reiknað gæti ég hvergi leigt, étið, skitið, borgað nokkurn skapaðann hlut. Núðlur og pappakassar yrðu daglegir hlutir í lífi mínu og slíkt er erfitt þegar maður hefur setið undir steikarlaunaseðlum Pé undanfarið. Gangverkið og undistaða allra vinnustaða, ræsting er metin á við saur undan skóm þeirra sem ráða kjörum og kaupum þessa fólks.

Á sama tíma hef ég haft fregnir af taktlausum launahækkunum ráðamanna og jafnast afturvirku greiðslur þeirra á við mánaðarkaupið mitt. Já....til hamingju Geir, Árni og Ingibjörg Sólrún með launahækkun sem jafnast á við einn fjórða á við kaupið mitt. Ég sæi ykkur bílstjóraþiggjandi, tannalæknafríðinda, dagpeninga, bjórveitandi báknið ykkar fara framúr á morgnana fyrir ölmusuna mína.

Hinsvegar verður það ekki af mér tekið að ég vinn á frábærum vinnustað, með dásamlegu fólki og mér þykir ekkert leiðinlegt að mæta í vinnuna heldur nokkuð gaman, yfirmenn minir eru fínir og EKKERT út á annað að setja en þetta.

Ingunn BBQ
-Metnaðarlaus-

Glæstri....

2008-09-04T18:32:00.006Z

.....Skotlandsferð minni ásamt ömmu og systrum er lokið.

Ég gerði ýmislegt, keyrði á vitlausum vegahelmingi með tilheyrandi skrækjum og góli "DRULLAÐU ÞÉR Á RÉTTAN VEGAHELMING ANDSKOTANS TJALLINN ÞINN"

Pörkeisaði fatnað á spottprís. Drakk 0% bjór að nafni Kaliber og kastaði næstum upp. Fór í Edinborgarkastalan og myndaði það sem mér þótti markverðast.......rassaskoruna á ammrískri dónöttkjellingu. Smakkaði Haggis.....líkaði ekki, át úti, fór í eftirminnilega draugaferð um gamla hluta borgarinnar, svaf mikið og át allt allt allt of mikið súkkó og skolaði því niður með kókakóla. Kommon.....stórt Snikkers kostar 50 pens......sem er 70 kall......70 KALL gott fólk.....

Kaliber er EKKI málið....

Ekki heldur Haggis.........

ÞETTA er hinsvegar málið....til hamingju með að
vera í alltof litlum buxum með alltof hert belti.

Gerði mig svo að sjúklegu fífli í Disney-sjoppu á Princestreet.

Ég: This is probably not the right place to ask, but do you know where I can buy Noddy stuff?(Noddy=Doddi....ekki Disney sko, þessvegna ekki réttur staður sko)

Afgr.dama: Uhhhhhhh..........weeeell.........

Ég: You know......Noddy, like the carakter.....and BigEars....

Afgr.dama, ásamt hálfri búðinni: BWAHAHAHAHAHAHAHA....I thought you said NAUGHTY-stuff.....

Jámm, það er stutt á milli Dodda-dóts og Dóna-dóts uppá enskuna.....

Þakka ömmu og systrum fyrir feikigóða ferð, drottinga og aksturssvipi, allar leigubílaferðirnar og þá sérstaklega Hrafndísi fyrir að vera svona mikill hálfviti við fólk....allstaðar, ég er ennþá að jafna mig á hlátursköstunum.

Góðar Stundir
Ingunn BBQ
-Turn off The Bay City Rollers-

Sumarfrí :)

2008-08-23T11:37:00.017Z

Jæja, ætli það sé ekki best að ég eigi mánaðarlegt blogg Ofurrollunnar að þessu sinni.

Búin að hanga í sumarfríi síðan í lok júlí og hef þar af eytt um 19 klukkutímum í Reykjavík og er núna stödd á Egilsstöðum í hringferð númer 2 um landið.

Þetta hófst allt með því að Nonni las um efnahagsástandið í Mogganum og trylltist, svo við neyddumst til að flýja út á land.

Nonni hress við húsbílinn sinn á Mývatni

Adam var skelfingu lostinn í Runu um verslunarmannahelgina

Lísa sýndi listir sínar

Fórum í bústað í Biskupstungurnar og Strokkur var hress...

...og hrossaflugurnar líka...

...og grasmaðkarnir...

...og köngulærnar...

...og ógeðspaddan

Legið í leti í sofétferð í Biskupstungum

Svo fórum við á Melrakkasléttuna að hitta Varamanninn

Við fórum með honum í Núpskötluvatn

Gunni varð skyndilega andsetinn úti á miðju vatni

Við fundum fisk, þótt ég hafi verið útnefnd fiskifæla

Nonni var sáttur við siglinguna

Við fórum á sjóinn, ég hélt ég væri að fara í afslöppunarferð og myndi flatmaga á sólstól með kokteil við höndina, en það var klárlega rangur misskilningur

Ég sleit þorska upp úr hafinu með berum höndum

Svo drap ég þá án þess að hugsa mig tvisvar um :) Varð ekkert sjóveik en fékk þessa fínu sjóriðu þegar ég kom í land.

Nonni veiddi stærsta fiskinn

Hann var ekkert ósáttur við það

Nú, á meðal gleðilegra atburða sem því miður voru ekki festir á filmu má nefna heimsókn í Lundarbrekku, gríðarlegt djamm á Raufarhöfn, hækjubjörgun á Kaupfélagsplaninu og gleðilega handboltastund hjá BBQ sem endaði með því að húsfreyjan sá sig knúna til að flýja út í skóg þegar lætin voru sem mest.

Highlight síðustu daga er samt klárlega Diskó Friskó með DJ Kidda Vídjóflugu í gærkvöldi, maðurinn er náttúrulega bara snillingur!

Erum svona að íhuga ballferð í kveld, en það kemur í ljós er líða tekur á kvöldið. Maður verður náttúrulega að vakna snemma í fyrramálið og horfa á leikinn, mitt hlutverk verður aðallega að sitja við hliðina á Nonna tilbúin með hjartastuðtækið ef pumpan í honum skyldi gefa sig í látunum.

Annars byrja ég í skólanum 1. september, ekki útilokað að bloggum fari fjölgandi þar sem ég er sérlega góð í að gera allt annað en að læra þegar ég á að vera að gera það og hefur rollan fagra oft notið góðs af því :)

geómetríz
-alveg að fara að setjast á skólabekk-

Fréttir

2008-07-25T12:20:00.003Z

"Má bjóða þér grjót?"

Langt síðan síðast....æ nó.

Smá fréttir með auðlesnu sniði.

Sigurður bjútíbolla byrjar á leikskólanum þann 12 ágúst.

Faðirinn vinnur botnlaust

Fórum þó hringferð um Ísland með áherslu á vestfirði.

Það var 14 daga ferðalag sem við vorum öll ánægð með.

Móðir fer til Skotlands með systrum og ömmu 28 ágúst.

Kemur heim 2 sept.

Byrjar að vinna 3 sept.

Búin að skrá mig í utanskóla í 9 einingar á haustönn.

Nýr erfingi væntanlegur í febrúar á næsta ári.

Hamagangur á hóli ekki satt?

Góðar Stundir

Ingunn BBQ

-Stækkandi-

Ó gömlu dagar

2008-07-21T10:29:00.002Z

Norskir fjölmiðlar fara á kostum:

Sjáiði bara!

Karna
- nostalgísk lufsa -

Ó ísbjörn...

2008-06-23T07:29:00.003Z

Hér er ég að vakna til lífsins eftir að hafa verið önnum kafin um dágott skeið. Sest niður og skrifa lengdarinnar tilfinninga-pistil... endurskoða sjálfa mig og geri uppgjör við liðnar vikur.

Svo, í sakleysi mínu, dandalast ég aðeins um internetið - sé hitt og þetta, Runa orðin klæðskiptingur, litlu frænkurnar vaxa og dafna, fólk potar í hvert annað á facebook, börn stækka, börn fæðast... allt á netinu, þægilegt!

Og svo...

Drap Íslendingur Ísbjörn? Eruð þið að missa stjórn þarna hinum megin?

Karna
- í nettu sjokki -

Jónsmessunótt

2008-06-23T02:36:00.009Z

Það er þegar menn velta sér naktir uppúr dögginni í miðnætursólinni, ef ég er ekki orðin of riðguð í háttum og siðum þarna norðurfrá. (Og svo á Erla Dóra afmæli, til hamingju.)

Ætli þessi færsla megi ekki teljast vera annarlegt (i.e. daglegt, árlegt, annarlegt) end-of-semester-uppgjör. Námsmenn lifa í önnum, það er þeirra tímatal. Mitt að minnsta kosti. Síðustu tólf vikur hafa verið einstakar, eins hvert og eitt tólfviknatímabil er útaf fyrir sig. Kúnstpása. Intellectual debate innra með mér. Voru þessar tólf vikur einstakari en liðnar annir?

Jú að mörgu leiti. Á þrjóskunni, trúnni og fljótum og fossum af ástríðu hélt ég námi mínu áfram. Í fjarlægu landi myndi einhver segja, fjarlæg frá rótunum, en nálæg sjálfri mér. Engu fjarlægari hér en þar - home is where the heart is. Hver svo sem staðsetningin er, eða hlutlægar aðstæður, þá verð ég að segja að þegar ég lít til baka finnst mér ótrúlegt að í dag sé önnin á enda, kláruð, done, punktur og pasta.

Eftir áfallið í fyrra var ég hikandi, ég hóf önnina hikandi, óörugg, óstabíl. Ég hikaði við að snerta í ótta við að brenna mig, skera mig. Ég hikaði við að horfa, sjá, hugsa, lesa, líta til baka, horfa betur...hikaði við að hika. Skrefin voru hænuskref. Oft fannst mér ég mjakast afturábak, off, en eftirá að hyggja sé ég að slóðinn sem ég myndaði er nokkuð beinn. Örlítið hlykkjóttur, kjánalega stuttur og tæplega breiður, en slóði er það. Sönnun á "the rhythmic nature of time", kraftinum í mannskepnunni og lífinu sjálfu.

Einn kúrsinn minn þessa önnina var Design Led Futures. Við hönnum heim sem við þráum og viljum, eftir 80 ár. 2088. Stórar spurningar um líf og dauða, manninn, líkamann, tækni, trú, börnin. Enginn veit hvað gerist á morgun, ekki einu sinni brjálaðir vísindamenn í slopp. Þessi kúrs snýst ekki um að byrja, klára og fá einkunn - heldur um lífið og reynsluna. Experience.

Ég tók forystu í hópnum mínum, sem samanstóð af níu manns. Þríeykinu Rory-Trong-Karna Karorong sem hefur ósjálfrátt tekið þá stefnu að verða að eilífðartími, nokkrum snillingum og örfáum ónytjungum. Sá sem ekki er næmur (sensitive) og ástríðufullur (passionate) heltist úr lestinni. Þetta verkefni hefur verið ólýsanleg reynsla á öllum sviðum, sjálfskoðun á hæsta stigi. Verkin okkar eru enn innsigluð þar sem öll réttindi eru áskilin V0dafone. Heimsýn okkar í bókarformi og meðfylgjandi stuttmynd verður á veraldarvefnum eftir fáeina mánuði. I'll keep you posted. Ég ákvað þó að stelast til að sýna fáeinar myndir af herlegheitunum, sem við höfum bókstaflega hætt lífi okkar og æru fyrir.

Við klifruðum um 7 metra hátt tré, hífðum fjögurhundruðþúsund króna myndavél upp á eftir okkur, byggðum stúdíó, sátum nakin í ískaldri á með þurrís í kringum okkur, gerðum tilraun til að skera okkur, vöktum, unnum, grétum, hlógum, reiddumst, sjokkeruðumst, sættumst, elskuðumst, nutum hvorki svefns né matar... við deildum lífi, heimsljósi.

Hér er ein heilsíða úr bókinni okkar og documentary-hlutinn. Það má smella á myndirnar til að sjá stærri útgáfu.

Aftur að dögginni og miðnætursólinni. Ég veit ekki hvernig ég get útskýrt þessar aðstæður á Íslensku... afsakið allt sletteríið á mér en "beyond intimacy" og "way too exposed" er það sem lýsir verkefninu best, segi ég og glotti - því það er hálf íronískt að segja orð um verkefni sem þetta. Allt það í heiminum sem orð geta aldrei lýst, Design Led Futures er eitt þeirra.

Eftir heilu og hálfu dagana, heil- eða hálfnakin, í stúdíóinu jafnt sem uppí tré, með myndavélar og strákastóð í kringum mig... verður mér hugsað til Jónsmessudaggarinnar og tel það vel sanngjarnt að henda strákunum út í döggina í nótt. Í þetta sinn er það ég sem stend hjá með myndavélarnar, bendi og hlæ! Ekki skemmir fyrir að meðan þið dansið um nakin í sumardögginni, munu strákarnir mínir þurfa að þola vetrarkulið á Wellingtonska grasinu. HAH.

Jæja, dramatíska Karna hefur fengið sinni þörf fullnægt.

Maxe, kennari við skólann, var svo ljúf að bjóða íbúðina sína til einveru næstu fjóra daga. Hér situr stúlkan með rauðvín við hönd - dásamlegt útsýni yfir Wellington, campari og kiwifruit til reyðu, ein með sjálfri sér í litla hreiðrinu.

Annars nóg við að vera, research fyrir mig og aðra, atvinna í boði, snjóbrettatíðin að hefjast, tvær vikur í næstu önn... og svo framvegis og svo framvegis.

Karna
- í uppgjöri -

Sumarmót

2008-06-02T05:02:00.004Z

Það er júní, tíminn þegar lóan kallar á mig alla leiðina þaðan. "Komdu" segir hún, "komdu". Bjartar sumarnæturnar birtast mér í draumi. Ilmurinn af blautri moldinni, mýrinni. Ýlustrá. Baldursbrá. Axlirnar lyftast, brjóstið opnast og hleypir vorinu inn. Flumbrugangurinn í eftirvæntingunni slekkur kertalogann og kveikir á sólinni. Tímamót, sumarmót.

Segir stúlkan og vefur utanum sig einu teppinu enn. Hellir í sig enn einum tebollanum sem kólnar á methraða. Suð í tölvunni ómar eins og snark í eldi, hún iljar sér við hitann frá lyklaborðinu.

Karna
- alltaf andstæð -

Pabbadagur

2008-05-17T12:02:00.003Z

Til hamingju med afmælið gamli! Ég drakk campari í sóda i tilefni dagsins, ég veit þú ert stoltur af mér - nú loksins drekk ég campari eins og herforingi og helst ekkert annað.

Systir mín, til hamingju med útskriftina! Eg er stolt af þér "times seven" fyrir mig og pabba!

Golsa
- at the writers festival in Auckland -

Afmæli

2008-05-06T11:09:00.003Z

Litli lukkusnúðurinn Sigurður Óttar varð eins árs í gær.

Afmælisteitið var haldið á sunnudaginn þar sem einkunarorðin "It's my party and I cry if I want to" voru í hávegum höfð. Vaknaði gólandi og sofnaði gólandi. Tomma Togvagns plötuspilarasettið sem foreldrarnir gáfu honum fékk það óþvegið í geðprýðisköstunum og snarlega var hætt við plön um að veita honum systkyni í náinni framtíð.

Hér má sjá gaurinn raða í sig saltstöngum.

Annars er allt gott að frétta. Síðasta próf hjá mér á fimmtudaginn. Tók eitt í gær í sögu, en var búin að vera í panikkasti yfir vanþekkingu minni á húmanisma, kalvínisma og einokun. Tók nett Grey's Anatomy á þetta og lagðist á baðherbergisgólfið og reyndi að sansa sjálfa mig. Pé hirti mig upp og sendi mig af stað. Þegar ég opnaði prófið sá ég að ég gat leyst allt án þess að grenja eða hafa áhyggjur af falli......bjútífúll. Líffræðinni var skilað í síðustu viku með nettu lokaverkefni um hvernig má vistvæða heimili, endurvinslu og skiptingu yfir í lífræn og vistvæn efni til heimilishalds. Fær Auður bestu þekkir fyrir yfirlesturinn og pepp....þú ert best.

Um og eða eftir helgi ætlum við Ess Óttar að skreppa í sveitina til Gé Pé afabró og vasast í lömbum og eldhússtörfum. Verður ábyggilega pínu skrýtið að hafa ekki ömmu heima en klárlega bæta þeir það upp föðurbræður mínir Gé, Ess og Pé. Kannski verður við í viku eða lengur. Fer allt eftir hvað pabbinn á heimilinu á eftir að sakna okkar mikið.

Leikfélagið frú Norma er að byrja aftur í sumar og mætti Halldóra Malin hérna í gær og innti eftir loforði mínu um að vera auglýsingastjórinn þeirra. Ég svitnaði. Sveitin, vinna í júní og ferðalag á Vestfirði að auki.......jú, ætli maður skelli sér ekki bara í þetta og taki smá Síkrett á þetta, þetta hlýtur alltsaman að ganga upp.
Við Halldóra tókum svo eitt rauðvínsglas á þetta í tilefni dagsins, en hún átti líka afmæli í gær eins og Sigurður, trúlofaði sig að auki og alles. Maður verður ekki í vandræðum með að muna þetta í framtíðinni.

Nú tekur lærdómur við, ætli maður verði ekki að leggja á minnið sneggvast cos, sin og tan fyrir próf. Mikið er annars gaman að læra stærðfræði sem er ekksjúllí nothæf, skemmtileg og með kennara sem gerir efnið ekki bara iddíjótprúf, heldur líka áhugavert.

Góðar Stundir
Ingunn BBQ
-Áhugamanneskja um stærðfræði-

Tadaaaa!

2008-04-24T12:47:00.002Z

Ég fór semsagt til London fyrir 2 og hálfum mánuði. Ég er komin aftur, ef einhver var að velta því fyrir sér.

Hafði það prýðilegt í London, við Nonni örkuðum vongóð af stað í átt að Buckinghamhöll með tebolla og hágæða Frón kex, ætluðum að kynna Betu vinkonu fyrir alvöru kexi. En neinei, okkur var ekkert hleypt inn og Beta vildi bara ekkert við okkur tala, veifaði okkur ekki einu sinni. Skítapakk.

Hótelið okkar var til fyrirmyndar, menn með kúluhatta sem opnuðu fyrir manni dyrnar og svona. Ég skoðaði nú samt aðallega hótelbarinn á hótelinu, Nonni var orðinn þekktur þar sem Mr. Stella og hjón sem voru með okkur voru þekkt sem vodka & kók.

Árshátíðin var bara brill, Reykjavíkurdeildin sýndi stórglæsilegt Sound of Music dans og söngvavídjó sem hafði verið unnið að sleitulaust í nokkra mánuði. Mjög fallegt, enginn í takt og tónlistin passaði ekki við myndina, en sem betur fer var okkar atriði sýnt síðast og ég þykist vita að það muni afskaplega fáir eftir því. Og nei, ég ætla ekki að setja link inn á það hér.

Akureyri var með keppni á milli þjónustuvera í kunnáttu á símaskránni og voru svo elskulegar að draga mig upp á svið til að keppa fyrir hönd Reykjavíkur. Ég og konan sem var með mér í liði unnum glæstan sigur. Hún reyndar vissi svarið við öllu, eina sem ég gat svarað var hvernig Goldfinger væri skráð í símaskránna (sem sýnir kannski menningarlegt innræti mitt).

Okkur til mikillar gleði og kátínu þurftum við svo að vera búin að tékka okkur út klukkan 9 morguninn eftir árshátíðina. Þótt ótrúlegt megi virðast missti enginn af rútunni frá hótelinu, þótt liðið hafi verið frekar mishresst.

Við komumst heim og síðan þá hefur allt verið í rólegheitum, Nonni hefur haldið sig úti á sjó og ég hef haldið mig heima við og í vinnunni.

Við Selma höfum samt stundað sunnudagsfjölskyldubíltúra af kappi síðustu vikur. Byrjuðum á því að taka Reykjanesrúnt, fengum okkur pulsu í Grindavík og kíktum og sigdalinn í Þorbirni. Skrunuðum svo út í Garð, þangað sem hvorug okkar hafði komið áður. Þorðum ekki í Sandgerði þar sem það var skollið á myrkur og við vorum vissar um að það myndu ráðast á okkur skrilljón Leoncieeftirhermur syngjandi Ást á pöbbnum.

Tveimur vikum seinna tókum við daginn snemma og fórum í Húsdýragarðinn. Vorum að virða fyrir okkur svínin þegar við rákumst á ótrúlega gáfulega foreldra sem voru að benda börnunum sínum á "svínapabba". Þessi ágæti "svínapabbi" var með risastórt skilti yfir stíunni sinni sem á stóð Freyja, og var að auki með spena fyrir allan peninginn.

Eftir gleðilega Húsdýragarðsferð fórum við á Þingvelli og í Skálholt og vorum held ég einu Íslendingarnir á svæðinu hvar sem við komum.

Annars hefur nú frekar lítið gerst. Fyrir utan auðvitað að það greip mig smá stundarbrjálæði um daginn, ég verð bara í 50% vinnu í haust og vúps, 100% háskólanámi. Hvaðan kom þetta nú?

geómetríz
-kreisí-

RAD

2008-03-21T05:39:00.002Z

Í gamla daga, á Trönuhrauninu, sat lítil svört og hvít kisa iðulega í fanginu á mér þegar ég vann við tölvuna. Það var Tumalína. Hún er núna heimilislaus greyið, 'available' eins og þeir myndu segja, 'viltu taka hana undir þinn verndarvæng?' myndi ég orða það, en það er önnur saga. Þessi litla svarta kisa hjúfraði sig, hnoðaði og hnoðraði á lærunum á mér þangað til hún var komin í góða stellingu hringinn kringum sjálfa sig.

Við eigum lítinn vin sem kemur reglulega í visitasíu og tekur út heimilishaldið. Þetta er lítill svartur og hvítur kisi sem við köllum RAD (a.k.a. Radical). Þar sem ég sat við tölvuna og vann, ein heima í makindum mínum, kemur þessi dásemdarkisi og framkvæmir nákvæmlega sama ritual og Tumalína gerði svo iðulega hérna um árið. Mér þótti þetta einkar notalegt og vonast til að sjá RAD sem oftast hér í sægræna húsinu okkar við Epuni Street.

Svona er lífið og tíminn, kemur og fer, endalaus spírall!

Golsa
- í kisuleik -

Krónan

2008-03-19T07:16:00.002Z

Ég minni vini og vandamenn á að drífa sig útí búð og kaupa í matinn áður en verðhækkunin dynur yfir eftir helgi. Endilega kaupið nóg af þurrfóðri og dósamat svo birgðir endist framyfir þennan djúpa dal sem krónan dólar sér gegnum.

Ef þið eigið eitthvað aflögu þá megið þið endilega hugsa til lítillar sauðkindar sem hefur ekki efni á nýsjálenskum dollarum fyrr en róttækar gengisbreytingar eiga sér stað. Blóm og kransar afþakkaðir en hverskyns fóður eða næring í hvaða formi sem er væri vel þegin. Ég bendi á að póstþjónustan verðsetur sendingar eftir þyngd svo þið ættuð að halda dósamatnum fyrir ykkur en senda mér frekar frostþurrkaðan tjaldbúamat eða annarskonar duftfæði.

Golsa
- í gengisfangelsi -

Systkinadýrðin

2008-03-15T12:03:00.004Z

Fyrir akkúrat ári síðan fæddist lítill drengur. Pabbi hringdi í mig samviskusamlega strax í kjölfarið. Þá var nótt hjá mér, en morguninn eftir þar sem ég sat og snæddi morgunverð hringdi síminn og pabbi sagði mér að lítill Sigurjón Torfi væri fæddur og klæddur.

Lífið breyttist. Karna varð ný Karna. Nú voru systkinin þrjú.

Lítill snáði, dýrðgripurinn hans pabba síns, litli gleðigjafinn okkar. Til hamingju með fyrsta árið!

Amma afmælisbarn fær líka knús í tilefni dagsins, elsku amma!

Golsa
- systir tveggja dásemda -

Svala, Svava og karna.is

2008-03-06T04:15:00.004Z

Ég á tvær vinkonur sem heita Svala og Svava. Þær þekkjast ekki svo ég viti til, og engin sérstök tenging milli þeirra nema að mér þykir undurvænt um þær báðar. - Já og svo hvað nöfnin þeirra eru skemmtilega lík.

Áðan barst mér tilkynning frá MySpace um að vinur minn ætti afmæli á næstunni. Ég taldi það fullnægjandi ástæðu til að logga mig inn, sem ég reyni annars að halda í lágmarki. Kemur ekki á daginn að þær stöllur Svala og Svava eru báðar fæddar 10.mars, önnur 1984 en hin 1985. Þetta fannst mér ansi skemmtileg uppgötvun, og óska ég þeim báðum til hamingju með afmælið.

Hver segir að MySpace hafi ekki notagildi!

Til þriggja ára hef ég ætlað að koma léninu mínu í notkun. Loksins varð af því að karna.is hefur upp á annað að bjóða en þriggja ára rykfallna hvíta mynd með þremur grænum strikum. (Það má enn finna þessa glæsilegu mynd á www.karna.is)

Íslensku lénin eru sérlega gleðileg í enskumælandi landi: karna is/karna er.

Síðurnar eru ennþá í vinnslu, en smátt og smátt ætti að komast mynd á þetta.

www.karna.is/design
www.karna.is/claying

Karna er hönnun er nokkurnskonar portfolio og Karna er að leira er vinnubókin mín í skólanum (sögnin claying eða að leira er ekki til í enskum orðaforða, en ég hóf að nota hana í fyrra þegar 30 hálffullorðnir einstaklingar sátu í stúdíóinu okkar og leiruðu).

Golsa
- öll í uppgötvununum-

Hvað á ég að gera?

2008-02-29T09:34:00.003Z

Við höfum verið að gera smá hausthreingerningu á íbúðinni okkar, smátt og smátt er allt að komast í besta stand. Ég var eitthvað ómöguleg í kveld og ákvað að beina orkunni minni á jákvæðan hátt og réðst í að hreingera baðherbergið. Það er vel á leið komið.

Þegar ég ætlaði að leggja lokahönd á verkið sá ég fljúgandi skrímsli í gluggakistunni. Ég kann engin skil á þessum óboðna gesti og hef ekki sérstakan áhuga á að kynnast honum frekar. Ég þori ómögulega aftur inn á baðherbergi, sit á stól og kreppi tærnar því þá finnst mér ekkert get komið nærri mér. Ég heyri í þessu brjálaða kvikindi, það skrjáfar í stökkum vængjunum og mér finnst það vera hvæsa á mig. Hvisssss! Hvissss! PrikkPrikkPrakk! Hvisssss!

Ég skal berjast við ljón, með berum höndum. Ég skal stanga hval, ég skal... ég skal... en ekki þetta!

Hjálp.

Golsa
- hræðist skordýr -

Ég fékk email...

2008-02-12T04:28:00.000Z

Þessi færsla er tileinkuð Öglu:

---
Dear Arovideo Member,

It is our pleasure (and absolute thrill) to announce that Arovideo will be playing host to the hottest act in New Zealand (and possibly the world) right now, "Flight of the Conchords".

In support of the local release of their widely-acclaimed HBO TV show on DVD, Bret and Jemaine will be performing a short set live in store from 10am, Wednesday the 13th of February, at 97 Aro Street in Wellington.

Then from 10.30am until 12pm, they will be signing copies of the DVD, which will be available to buy on site at $39.95 for the 2-disc set.

Space limitations on the ground floor of our store mean this will be a very intimate, exclusive event indeed, and entry will be on a "first come, first served" basis. While we cannot guarantee you will gain entry for the performance itself, there should be ample opportunity to meet the guys, especially if you are armed with a copy of their fantastic DVD! There will be eftpos facilities available, though cash is recommended.

By wonderful co-incidence, this is also the day of the release of the superb Kiwi comedy, "Eagle Vs Shark", also starring Jemaine Clement from FOTC. He will of course be present to sign copies of this film, and we are equally honoured to have the film's leading lady, Loren Horsley, also in attendance. This DVD will also be available on site at $39.95.

For our valued customers from other corners of the country who obviously won't be able to make it, there will be a limited number of signed copies of both DVDs available from our website from Valentine's Day.

Both shows, Flight of the Conchords and Eagle Vs Shark are now available from our website, as well as for rental also.

Thank you for reading and being a 'special-eyes' newsletter subscriber - you are the only people "in the know". We hope to see you tomorrow!

Cheers,

Andrew and the team
Arovideo Online
http://www.arovideo.co.nz

The Aro St Video Shop
97 Aro Street, Wellington, NZ
ph/fax. 64-4-801-7101

"We Specialise for Special Eyes"
---

Til glöggvunar þá er Aro Video Shop rétt neðan við húsið mitt, ég verð mætt þar fyrir utan kl 4 í fyrramálið!

Golsa
- dyggur aðdáandi FOTC -

Vó...

2008-02-12T00:32:00.000Z

Hefur einhver annar en ég veitt því athygli að rollan átti 5 ára afmæli um daginn? 5 ára!?! Það er HÁLFUR ÁRATUGUR!

Ég ætla að fagna með helgarferð til London, veit ekki með corollurnar.

geómetríz
-tíminn líður hraaaatt á gervihnattarööööld-

mér þykir

2008-02-01T15:34:00.001Z

e-mailið hjá dýralækninum á egilsstöðum ansi hreint hressandi.

geómetríz
-kreisí-

Úr handraðanum

2008-02-01T00:55:00.000Z

Ivanov og Brúðguminn eru dásamleg stúdía og vel heppnuð meðhöndlun á fyrsta flokks hráefni. Ég mæli með að sjá Ivanov fyrst og skella sér síðan í bíó. Skál Baltasar!

Veskinu mínu var stolið á miðbæjarknæpu í Reykjavík. Kortið var ekki einungis notað uppá þrettánþúsundogfimmhundruð krónur, heldur glataði ég þarmeð ökuskírteini, NZ debitkorti, student ID, 18+ skilríki og barasta öllu. Daginn eftir hringdi í mig Sigurður sem á dóttur að nafni Kristín Arna Sigurðardóttir fædda 1984 og sagði mann vera að leita að mér. Sá maður var heiðarlegur þjófur sem hafði vaknað upp á laugardagsmorgun skelþunnur og á bullandi bömmer yfir að hafa notað kort ókunnugrar stúlku. Hann kom, tók í hendina á mér, horfði í augu mér og baðst afsökunar. Hann greiddi skuld sína og fékk hrós í hattinn frá mér fyrir að vera stór maður þrátt fyrir kjánaskapinn. Trú mín á mannkyninu var endurvakin.

Tveggjadaga ferðalag fór vel. Af einhverjum ástæðum virðist ég alltaf enda uppi með tvö eða þrjú sæti útaf fyrir mig í löngum flugum. Svo fór í London-Osaka fluginu og útbjó bæli og svaf vel.

Rory og ROBROB tóku á móti mér í Auckland, við leigðum bíl og keyrðum heim til Wellington með smá stoppi hjá Danny í Hamilton. Þar voru samankomnir SexyOasis sambýlingarnir frá því í fyrra. Akandi um á vinstri (oftast) eftir undangengið ferðalag gekk vel þar til fór að dimma, þá þyngdust augnalokin og Rob keyrði síðasta klukkutímann. Strákarnir sáu til þess að uppgefna íslenska slittið endaði í svefnsófa með bros á vör - komin heim!

Sólin er sterk og brennir hvítt hörund sem hefur ekki séð sólina í tvö og hálft ár. Bjórinn rennur ljúflega niður í góðum félagsskap. Ég er ung og áhyggjulaus þar til á mánudag þegar ég hef störf sem research assistant hjá kennara við skólann minn sem er að klára doctorsverkefnið sitt.

Ég ráfa um í limbói þar til herbergnið mitt losnar um miðjan mánuðinn. Hér taka mér allir opnum örmum svo ég stekk rúm úr rúmi þar til ég get flutt inn í litlu kribbuna mína!

Golsa
- komin heim, sko hitt heim -

Naunau! 2 blogg á einum degi!

2008-01-31T12:49:00.000Z

Næstum því stórfenglegra en 600 myndir í einu!

Vinnan mín er í rúst. Það er búið að hrúga öllu draslinu saman og slíta allt úr sambandi. Vinnudagurinn minn þessa dagana snýst um það að rölta um rústirnar og þykjast vera að gera eitthvað gáfulegt. Ég vinn semsagt við að hangsa 8 tíma á dag.

Hér má sjá rjúkandi rústirnar:

Hér er ég mætt í vinnunna, mjög einbeitt við að gera ekkert en þykjast samt vera að gera eitthvað:

Ath! Þessar fagurgulu borvélar eru ekki á vegum iðnaðarmannanna, þær eru staðalbúnaður talsímavarða ef ske kynni að við þyrftum að svara spurningum um notkun borvéla og smíðavinnu almennt.

geómetríz

-í rjúkandi rúst-

Jújú ég er hérna...

2008-01-31T08:58:00.000Z

...ég er bara latasti bloggari sem sögur fara af.

Síðan síðast er ekki margt í fréttum. Jú það komu jól, ég borðaði Rúdolf með familíunni á meðan Stebbi vinur minn borðaði Bamba heima hjá sér. Rúdolf var gúrmei og Bambi skilst mér líka.

Svo komu áramót og þau voru prýðileg, voða rólegheit og fínt bara.

Ég átti svo einkar ánægjulegan janúar þegar bíllinn minn reyndi að gera sjálfsmorðsárás á mig, gemsinn bilaði, routerinn bilaði, sjónvarpsfjarstýringin bilaði, tölvan mín í vinnunni bilaði og svo hætti önnur fjarstýringin af leikjatölvunni að virka líka. Þetta gerðist sirka bát á einum degi og yljaði mér svo sannarlega um hjartarætur í svartasta skammdeginu.

Núna er ég hinsvegar komin með nýjan stýrisenda í staðinn fyrir þann sem SLITNAÐI úr, nýtt takkaborð á gemsann, nýjan router, allar fjarstýringar farnar að virka og ég er farin að þurfa að vinna í vinnunni aftur...hrmmmpffff.

Já, svo er ég búin að synda 12250 metra á árinu samkvæmt nýjustu talningum. Enda erum ég og gömlu kallarnir í sundlauginni orðin best friends. Þeir eru ætíð hressir í heita pottinum, ræða saman um hangiket, súrt slátur, hræring og heilgrjónagrasaisting (sem samkvæmt lýsingunni er eitthvað sem ég vil ekki prufa), fara með vísur og á tyllidögum spjalla þeir um hvað gerðist í síðasta þætti hjá Opruh (eða negrakellinguna, eins og þeir kalla hana svo smekklega).

Svo erum við skötuhjú að fara til Löööndöööön eftir 2 vikur í árshátíðarferð með Já. Breski hreimurinn hefur verið stíft æfður síðustu mánuði og við erum alveg að verða tilbúin í að panta okkur tebolla og kexköku og spyrja til vegar að Buckinghamhöll. Einnig hafa öll tilvonandi samtöl við drottninguna og Karl Bretaprins verið æfð til fullnustu og allur framburður fínpússaður. Þið skuluð því ekki verða hissa þegar þið sjáið mig og Nonna í fréttunum vinkandi með þeim mæðginum (hið konunglega veif hefur einnig verið æft stíft).

Jæja nóg af vetleysö (Ingönn, þetta var sérstaklega ferer þeg), möst vörk.

geómetríz
-hress sem kex-

Kveðjustund - Upphaf

2008-01-26T01:17:00.001Z

Elsku systir og bróðir, elsku fjölskylda, elsku vinir!

Takk fyrir yndislegar stundir, stuðning, kaffi, gleði og glens í þessu forláta "sumarfríi" mínu á Íslandi.

Bakvið hverja manneskju, sem til þess hefur unnið, er kærleiksnet sem er til staðar við aðstæður þar sem fótunum er kippt undan manni grandarlausum. Á lífsins veginum leynast grifjur svo djúpar að ég kæmist ekki upp úr þeim nema með aðstoð þessa vefja sem samanstendur af mér og ykkur.

Hjartað er meyrt og hugurinn reikull.

Allar góðu stundirnar eru það sem situr eftir, hlýr hugur og sú mjúka ást sem vinur ber til vinar.

Tímamót eru góð, - upphafið á nýju án þess að vera endir á öðru. Ekkert endar, því brunnur minninganna blæs lífi í allt liðið. En upphafið er samt sem áður ferskt og gefandi. Því geng ég spennt á vit ævintýranna og vona að sem flestir gangi með mér þá dásemdarför.

Þakkir og góðar kveðjur, farið vel með ykkur!

Golsa
- flogin í veg -

Tölvan segir neeeeeii

2008-01-20T09:35:00.000Z

Ég krefst þess að Hafrún systir breyti nafni sínu í Carol Beer og Ferðaskrifstofa Austurlands verði hér með kölluð Sunsearchers......ég bara krefst þess.....

Hin íðilfagra Carol Beer að störfum.

Góðar Stundir
IngunnBBQ
-Í orlofi með MrBBQ-

Í bústað með Stubbunum

2008-01-14T09:10:00.000Z

"Nú, er þetta sturtubotn?"...

...voru viðbrögð við því að ég hafði botnað fyrripart í sturtu vikunni áður, og þannig sló Ásgrímur Ingi helgina inn. Jú þarna voru söngfuglarnir Agla, Ingi og Karna á ferð um Jökuldal á leið sinni til Akureyrar, um Mývatn. Stundarkorni síðar voru ættjarðarlögin farin að hljóma, svo og slagararnir, rokkið og rólið og allt heila klabbið. Ferðinni var heitið í bústað að Fögruvík til að fagna tuttuguogfimm ára afmæli Rannveigar Hrannar, sannkölluð gæðingasamkunda.

Þegar í pottinn var komið hélt söngurinn áfram, - söngurinn sem fékk að hljóma þar til við Ingi sofnuðum með gítarinn ofaní textamöppuna þegar klukkan var langt gengin í fimm að morgni. Þá var slitinn strengur, hljómunun farið að fækka og þónokkra tóna vantaði inn í melódíurnar. Þrautsegjan var þvílík að við létum það ekkert á okkur fá - tíuklukkustunda söngmaraþon var að baki.

Klukkan tíu á laugardagsmorgni steikti ég beikon og egg í liðið og skrunaði svo uppí Hlíðarfjall með Mumma. Agla og Ásgrímur Ingi komu í fjallið uppúr hádegi og skemmtu sér að skíðum fram eftir degi, þar til skautasvellið tældi þau til sín og skilaði þeim afsér í rosalegum hokkíleik. Við Mummi svifum um snjóinn þar til svæðinu lokaði, snjórinn var ótrúlegur og múvin hans Mumma til óborganlegrar fyrirmyndar. Veðrið var dýrðlegt, fjallið skartaði sínu fegursta.

Þegar öllu þessu er lokið tökum við svo steikarpottinn - og vippum upp dásemdar grillmáltíð. Pottur, söngur, áfengi, ást. Við vorum orðin svo ástleitin á tímabili að Ingi fékk hugljómun: "Þetta er eins og að vera í sumarbústað með Stubbunum!"

Þegar líða fór á kveldið var Agla komin í jarðaberjagallann með lúffur og húfu, Lóa búin að missa röddina, Keli lá í rúminu með magaverki og ég var vel drukkin á náttfötunum, undir stofuborði og uppi á þakbita. Menn höfðu ekki mikla trú á stemningunni og efasemdir um Pallaball ætluðu að verða djammkraftinum yfirsterkari. Og nei, hér skal ríkja stuð! Allt í einu ætlaði allt að rifna úr stemningu, skutlurnar komnar í gírinn og pottlokið prýtti frænda.

Páll Óskar kynnti þjóðsönginn í þann mund sem söngfuglarnir voru að stíga inn í salinn. Þó við Palli séum ekki sammála um ástina, þá sameinumst við í ást okkar á "I Will Survive" og í sveiflunni fannst Öglu athygli minni ekki bróðurlega skipt milli hennar og kóngsins. Ég neita því ekki, en verð að bæta því við að ást mín skiptist algjörlega Öglu í hag - á kostnað Palla. Rannveig fékk afmælissönginn og ég fékk Ruslönulagið. Ég missi stjórn þegar ég heyri það lag - í þetta skipti varð það til þess að Palli dáðist að afturábakakkróbatkollhnýsnum sem líkami minn framkvæmdi og ég vaknaði við kommentið: "Acrobat Ninja", - já og Ingi spurði hvort ég æfði Júdó. Ég afsala mér allri ábyrgð, ALLRI. Hvað um það - ég kom heim í rifnum buxum, og ekki í fyrsta skipti. (Nei Anna Berglind, í þetta skiptið var það ekki klofið...)

Sunnudagur. Mummi flúinn, Keli kominn heim, Lóa sagði helling sem enginn heyrði, Rannveig tók stjórnina, Jóna Björt skúraði, Karna vaknaði, Agla sofnaði, Ingi vaskaði upp á náttbuxunum sem hann gleymdi að máta, Kristel var á rassinum og Skotta pirraðist þangað til hún fékk kaffið sitt. Skotta á Kermit-peysu og Threadless-bol! Skotta ég elska þig!

Eftir subway var lagt af stað heim. Söngfuglarnir þagnaðir... og þó? Herramaðurinn Ásgrímur Ingi bauð finkunum sínum í Jarðböðin við Mývatn. Þar voru dreggjarnar af tónasúpunni þurrkaðar upp.

Við renndum inn í bæinn gamla í Fellunum um hálf átta.

Þarna hefði margur endað helgina, en okkur fannst við hæfi að enda gríðarlega aðdáunarveða helgi með merkari athöfn en að keyra þynnkulúin inn í Egilsstaðabæ.

Hafnarfjarðarleikhúsið og Kvenfélagið Garpur sýndu Svartan Fugl í sláturhúsinu klukkan átta, Agla kom tíu mínútur yfir en auðvitað var beðið eftir drottningunni.

Eftir sýningu fórum við í mæðgnapartý á Nielsen, Edda - Agla - Anna Guðný - Karna, og Halldóra, Árni Geir og Ingi slógust í hópinn. Þar sem við sátum og ræddum verkið, barnanýðinga og hæstaréttardómara, þá gengu leikarar og leikstjóri sýningarinnar í salinn. Skemmtilegt nokk. Við sátum og sötruðum þar til okkur var hent út af bæjarknæpunni.

Gleðilegri helgi lokið.

Í minningu pabba, sem kunni manna best að skemmta sér, skemmta öðrum og njóta lífsins: "Þú fagra minning eftir skildir eina, sem aldrei gleymist meðan lífs ég er.

Golsa
- EKKERT RUGL! -

Flight of the Conchords

2008-01-06T21:12:00.000Z

Vinsamlega ýtið á play!

Jútjúbið að vild!

Golsa
- dolfallin -

Hvert ertu að fara?

2007-12-31T23:18:00.001Z

Að blogga, ég læt ekki bjóða mér þetta!

Golsa
- GLEÐILEGT ÁR! -

Leysið og Fyllið

2007-12-31T01:42:00.000Z

Það var rafmagnslaust.

Ekki bara í okkar húsi, heldur á öllum Egilsstöðum og nágrenni. Í gamla daga henti það við og við að rafmagnið færi, en í þá daga var ekkert internet að missa, símar voru snúrutengdir svo ekkert rafmagn þurfti til að næra þá og batteríisútvarp var í hverju eldhúsi. Nú er það svo að þá sjaldan rafmagnið fer, þá fer allt.

Þessi vanvirkni alla hluta var farin að hafa svo varanleg áhrif á sálutetrið mitt að ég þurfti að hugsa mig um áður en ég læsti baðherbergishurðinni, hvort lásinn virkaði án rafmagns.

Við kertaljós og klæðin rauð fórum tókum við fjölskylduskrabbl - æðisnotalegt. Eitt er það samt. Dódó og O ó (Þórunn Gréta og Davíð) fá að ráða reglunum því þau hafa bæði stundað atvinnumennsku í skrabblfimi. Þau eru jarðbundnustu og regluföstustu skrabblarar sem ég hef hitt, og gefa lítið útá orð eins og "Æruvon" eða "Púkagnýr" sem okkur mömmu finnast voða sniðug. Þetta hamlar sköpunarskrímslinu innra með mér svo rosalega að ég fæ innilokunarkennd. Það myndast einhver rosaleg togstreyta milli þessa umrædda skrímslis, og kenndarinnar sem er stýrt af siðnum sem ég er alin upp við; Rétt skal vera rétt, heiðra skaltu föður þína og móður o.s.frv.

Ætli það sé ekki tímabært að læra að hemja þessa ólíku póla í mér, annars er ég dæmd til að lifa að eilífu í samfélagi bóhema og bjórvina. (Sem... væri reyndar ágætt)

Golsa
- veit lítið hvað hún vill -

Mummi

2007-12-28T00:51:00.000Z

Margt er hægt að segja um Mumma. Orð eins og fífldirfska, spennufíkn, brjálæði, soðlappaháttur, hraustleiki og jarðálfakynþokki gætu öll átt við manninn. Þó verð ég að segja að dugnaður og drífandi eiga heima ofarlega á listanum "Svona er Mummi".

(Myndin var fengin að láni hjá sudurland.is)

Það er nokkuð ljóst að ekkert stoppar þennan mann! Hann setur það ekki fyrir sig að í Vestmannaeyjum er hvorki snjór né brekkur... Þarna brunar hann um á snjóbretti í snjóleysinu og lætur flugdrekann draga sig.

Gleðilegasti parturinn af þessu öllu saman er að vona er á bæði manninum og þessu snilldarjúniti á Austurlandið! Það verður gaaaaman.

Tékkiði þessa dásemd út!

jadarsport.is // mummi.is

Golsan
- living on the edge -

mótin og miðin

2007-12-24T03:43:00.000Z

Það er kominn aðfangadagur. Það er ekki langt síðan mín plön hljóðuðu upp á strandferðir og sumargleði á jólum. Núna er eins og jólin hafi skilið mig útundan, sjálfan jólaálfinn. En jólin eru ekki blóraböggull, þau eru ekkert nema orð. Orð sem felur í sér tímamót, afmæli, áramót. Á jólunum gefur fólk sér tíma til að vera. Tími til að lifa og njóta.

...

Stundum getur maður lært af sjálfum sér. Ef ég tæki sjálfa mig mér til fyrirmyndar væri ég sjálfsagt löngu komin undir sæng, í stað þess að sitja hér með svo mikla kvíðaröskun að ég þori ekki að sofna af hræðslu við það að vakna á morgun. Sofna með sárið í hjartanu, vakna með sárið í hjartanu.

...

Nóg af volæðinu, mamma er fyndin kona!

Við sátum saman um miðnættin á Þorláksmessukveld og ákváðum að skella í okkur einum öllara í tilefni þess að konan átti Elephant inni í ísskáp. Í minningunni var hann sterkur og góður, en reyndist síðan helst til rammur.

Mamma: Vá hvað hann er sterkur þessi Elephant.
Karna: (sljúp) Já, þetta er bara eins og að drekka viskí!
Mamma: *áköf* Heyrðu, ég á Tuborg Gull í pokanum þarna!
Karna: Gull?
Mamma: Já, bara til að þynna hann aðeins!

... og við þynntum Carlsberg Elephant með Tuborg Gull, - lofum að segja Dönum aldrei frá!

Þetta endaði með þriggja tíma spjalli um liðna tíma og fallegar minningar.

Mömmmudekrið er ómetanlegt, engu líkt!

Golsa
- getur ekki kvartað! -

nostalgíugleði

2007-12-17T15:00:00.000Z

Við Nonni buðum Körnu í heimsókn í gærkvöldi. Sú heimsókn endaði með allsherjar föndurkvöldi.

Við misstum okkur aðeins í tvöfaldri nostalgíu, plastperlum og Super Mario Bros. En það er allt í lagi því núna er ísskápurinn minn hamingjusamasti ísskápur sem fyrir finnst!

Ingunn, ég blæs hér með á tvöfalda risaísskápinn með klakavélinni og 600 fídusunum sem hægt er að gera...í einu!

geómetríz
-gleðilegt-

Aðalfundur Ofurrollunnar 2007

2007-12-10T23:24:00.000Z

Fyrsta innlegg Ingunnar til þessarar færslu er: Ingunn er best og vann í fokking trivjal! Karna kannast ekkert við það spil. (búll-sjitt, Karna bætti fyrstu 7 orðunum, plús tvípunktinum við og kannast EKKERT við það)

Karna og fuglamaðurinn eiga sér einkennilega sögu. Hann hefur ekki enn tekið hann út. Karna kannast eitthvað við söguna.

Hvað heitir spæjarinn í Ace Ventura? Svör óskast. Karna kannast eitthvað við hann.

Anna Berglind hefur masterað mökunarferli dúfna í Kaupmannahöfn. Karna kannast ekki við þá sögu.

Ingunn á ísskáp sem er með svo mörgum fídusum að hún getur ekki einu sinni náð sér í bjór. Pálmi hefur notið góðs af og felur sig í leynihólfi skápsins. Pálmi hefur hætt að drekka í beinu framhaldi af því. Karna hefur aldrei heyrt um þann fídus.

Karna ætlar að leigja Ace Ventura á VODinu hjá mömmu sinni til að komast að því hvað spæjarinn heitir.

Ingunn kannast ekkert við þá sögu að hún hafi borðað heilt súkkulaðistykki, samt er líka kökupokinn tómur af einhverjum ástæðum sem enginn kannast við, ekki einu sinni Karna.

Önnu Berglind stökk ekki bros allt kvöldið, gætti orða sinna og talaði af sér um kynhneigð sína.

Ætli dúfur séu samkynhneigðar? Karna kannast eitthvað við þá sögu.

Samantekt:

Bjór + súkkulaði + ís ársins + flexnexkökur + spel = Ef einhver tekur hann út, kemur Karna til með að kannast við söguna?

bbq

geómetríz

golsa

-kannast ekki við neitt-

Vettvangsferðin

2007-12-10T19:18:00.000Z

Við systkin höfum verið lítið áberandi í mannlífinu á Egilsstöðum síðan pabbi féll frá. Við höfum verið vakúmpökkuð og innsigluð hér heima á Skipalæk í ljúfu yfirlæti Ömmu og Grétu.

Í dag ákváðum við að leggja land undir fót, klæða okkur vel og skruna útí 10 stiga frostið.

Tvær litlar forsögur:

Saga #1

Síðan ég kom heim hef ég verið heltekin rosalegri paranoju að allir séu alltaf að horfa á mig. Fyrst hélt ég að ég væri allt í einu orðin svona sæt... (?) en svo komst ég að niðurstöðu. Sennilega er þetta svona: 25% þeirra sem horfa á mig þekkja mig ekki en vita þetta með pabba, 25% eru að virða fyrir sér þetta nýja andlit, og þekkja mig þar að leiðandi alls ekki. Helmingur þeirra sem horfa á mig eru sennilega ekki að horfa á mig, heldur er þetta ímynduð þrá- og kannski örlítil óskhyggja (?) í mér.

Saga #2

Um daginn mætti Hafþór Valur og Sigríður Svandís keik í Grennd til að heilsa upp á jafnaldrana sína. Við Hafþór erum gamlir leikskólafélagar og yngra settið er nánast jafn gamalt. Munurinn er reyndar sá að þau eru feðgin en við erum systkin... hvað um það. Sigurjón Torfi þjóðminjasafnsgripur sem alinn er upp af öldungum og forngripum (ég þar með talin) varð stjarfur af hræðslu að sjá þessa litlu manneskju, sem gaf frá sér hljóð í þokkabót. Þetta vakti óneitanlega kátínu okkar, en skildi okkur líka eftir áhyggjufullar um félagsþroska drengsins.

Við ákváðum bæði að reyna að yfirstíga þessi andlegu mein og fórum því í þriggja klukkustunda aðlögunartúr. Kennslustundin "stúlka lærir að klæða barn útí frost" gekk vel og sama má segja um kúrsana "stúlka lærir að pakka barni í bílstól" og "stúlka lærir að festa stól í bíl" (þá er átt við bílstól).

Fyrsta stopp var í Dalseli 9 þar sem hálfnafni og flottasti frændi Sigurður Óttar býr ásamt BBQ móður og treilerföður. Hinn siðprúði Sigurður var að taka eftirmiðdagslúrinn eins og góðum börnum sæmir, en við fengum samt banana og smákökur hjá húsfrú Ingunni Bé. Því næst fórum við á sjúkrahúsið til afa þar sem pilturinn var hrókur alls fagnaðar.

Svo kom að stóru stundinni. Við gerðum tilraun tvö til að hitta á Sigurð Óttar og í þetta skiptið var maðurinn sprellvakandi og syngjandi kátur. Þeir frændur tóku ágætlega í hvor annan, þar til heyrðist örlítið í Sigurði, en þá brotnaði minn maður alveg niður og ætlaði að orga úr sér lungun af hræðslu. Sigurður var áfram galvaskur og það kjaftaði á honum hver tuskan, sem var ekki til að styrkja stöðu Sigurjóns í þessu máli.

Við vorum ekki fyrr komin útí bíl og GlingGló - "Ó pabbi minn" - var farið að hljóma að drengurinn datt útaf og steinsvaf alla leiðina heim.

Við stefnum á að halda aðlöguninni áfram á næstu dögum, enda gengur ekki upp að við systkin þjáumst af félagsfælni.

Golsa
- með krakkann á heilanum -

Reynslusaga

2007-12-09T23:22:00.000Z

Reynslusaga ungrar konu á barneignaraldri, sem er greinilega ekki treystandi fyrir barni eina kveldstund.

Mér var falið það verkefni að sjá um níu mánaða bróður minn í einn og hálfan tíma í gærkveld, meðan móðir hans fór og hlýddi á Frostrósir í Egilsstaðakirkju. Ég mætti keik á réttum tíma og þóttist fær í flestan sjó. Móðirin yfirgaf og barnið var í fastasvefni.

Svo vaknaði barnið... og ég þurfti að skipta á því. Ég hef setið nokkrar kennslustundir í kúrsinum "stúlka skiptir á dreng" síðan ég kom, svo það var nú minnsta mál. En þegar ég var búin að þvo og þurka og smyrja og púðra fannst mér tilvalið að það fengi að lofta aðeins um rassinn á barninu.

Smá innskot í söguna - systir mín leið önn fyrir mig á yngri árum því ég var alltaf á rassinum, eins og hún orðaði það. Það vottar enn fyrir nektarþráhyggju í fari mínu, og ég sárvorkenni börnum að vera alltaf pökkuð inn í hnausþykkar bleijur.

Allavega... ég fór fram með strípað barnið og á tíu mínútum náði það að kúka á teppið á gólfinu og spræna í stofustól.

...

Eftir ævintýramennskuna í okkur systkinum, og þegar bleyja var komin á bossann, sofnaði litli sólargeislinn á öxlinni á mér. Við kvöddum sátt.

Golsa
- barnaklaufi -

Davíð, ég er Davíð

2007-12-07T15:26:00.000Z

Ég hef aldrei lesið biblíuna, þrátt fyrir margar tilraunir. Ég hef lesið jólaguðspjallið í Áskirkju, og ritningarlestur á fermingardaginn minn - en það er þá upptalið.

Davíð hefur vakið mig til umhugsunar um margt, en eitt þess er einmitt trúarrit krisinna manna. Um daginn sannfærði hann mig, í framhaldi af þessum áhugasveiflum mínum, um að taka quiz sem heitir

Ég fór að ráðum hans. Þrátt fyrir hræðilegt fontaval og grafík var það ótrúlega gaman, og niðurstaðan ennþá skemmtilegri!

Try it out!

Golsa
- Impulsive trouble maker -

Jæja

2007-12-04T18:13:00.000Z

Þá hefur drengurinn verið skírður.

Góðar stundir

Ingunn BBQ

-snúðamamma-

2007-11-29T17:40:00.000Z

Ég er sátt. Við höfum fengið heimsókn á bloggið frá Burkina Faso. Tilgangnum er náð, og hér eftir get ég lifað í sátt við guð og menn.

Við erum flutt í Dalsel 9. Fá móðir, faðir og bróðir beztu þakkir fyrir þolinmæðina í þessar 14 vikur sem við lágum inná þeim. Þið eruð hetjur og hafið verið tilnefnd til Fálkaorðunar fyrir þrekvirkið.

Baðkarið hefur verið prófað, fírað upp í arninum, 3 rétta máltíð í eldhúsinu ásamt kökubakstri í glænýrri Kitchen Aid græjunni og öllu heila galleríinu skutlað í uppþvottavélina af tegundinni AEG. Ef ég slysast til að yfirgefa heimili mitt næstu vikur, þá þýðir það að ég er aðframkomin, annaðhvort af hungri eða afar banvænum sjúkdómi sem þarfnast víðtækra læknisaðgerða.

Verið velkomin í kaffi.

Pilturinn verður ausinn vígðu vatni sunnudaginn næstkomandi. Þar sem við erum ekki mikið tilstandfólk, á eru það bara nánustu ættingjar, stutt athöfn og allt snýst um kökurnar sem við komum til með að hakka í okkur eftir'á. Voða kristilegt allt.

Hann fer í pössun hjá Hafrúnu "pabba" og guðmóður á föstudaginn, en foreldrarnir ætla í Svartaskóg ásamt starfsfólki vínbúðarinnar. Tilgangurinn er að borða af hinu fræga gnægtarborði Helgu og Benna, kennt við jóla. Aukinheldur verður jabbnvel dúndrað í sig einum köldum eða vínberjageri. Hver veit.

Þangaðtil næst

Góðar Stundir
Ingunn BBQ
-Húsfreyja í Dalselinu-

Ó pabbi minn

2007-11-26T00:58:00.000Z

Ó pabbi minn, hve undursamleg ást þín var.
Ó pabbi minn, þú ávallt tókst mitt svar.
Aldrei var neinn, svo ástúðlegur eins og þú.
Ó pabbi minn, þú ætíð skildir allt.

Liðin er tíð, er leiddir þú mig lítið barn.
Brosandi blítt, þú breyttir sorg í gleði.

Ó pabbi minn, ég dáði þína léttu lund.
Leikandi kátt, þú lékst þér á þinn hátt.
Ó pabbi minn, hve undursamleg ást þín var.
Æskunnar ómar ylja mér í dag.

Lag: P. Burkhard // Texti: Þorsteinn Sveinsson

Golsa
- pabbastelpa -

jólajólajóla...

2007-11-25T11:00:00.001Z

vegna fjölda fyrirspurna birtist hér í heild sinni ekki svo tæmandi jólagjafalisti fröken geómetríz.

fyrir þá sem eiga fullt af peningum og vita ekkert hvað þeir eiga að gera við þá:
- nintendo wii
- sjónvarpsflakkari
- risaflatskjár
- heimabíó
- sófasett
- fagra kaffivél í þessum dúr

fyrir hina:
- trivial pursuit
- partý & co
- pictionary
- púsl (1000 bita og uppúr)

- allt svo gott úr eldhúsi gestgjafans
- matarást
- matreiðslubók nönnu

- harry potter myndirnar
- simpsons
- skemmtilegar bækur (ég les allt)

- eyrnalokkar/hálsmen
- skó í nr 38 (ég fæ aldrei aldrei aldrei nóg af skóm)
- vekjaraklukka
- kökuform í öllum stærðum og gerðum, t.d. svona ægilega sniðug úr gúmmíi eins og fást t.d. í búsáhöldum í kringlunni, eða bara þessi gömlu góðu venjulegu

- eitthvað til að hengja upp á tómu veggina mína

- eitthvað dásamlegt í sveitasetrið

geómetríz
-í jólasveiflu í vinnunni-

2007-11-05T23:22:00.000Z

Elsku Kristín Arna, Þórunn Gréta, Anna Guðný, Gréta, Sigurjón Torfi, Þórunn og Grétar. Sendum ykkur okkar innilegustu samúðarkveðjur.

Guð geymi ykkur.

Anna Berglind, Ingunn Bylgja og fjölskyldur.

ég verð að segja

2007-10-29T19:34:00.000Z

að ég var búin að ímynda mér að þegar leikið atriði um mig kæmi í sjónvarpinu, þá myndi huggulegur kvenmaður leika mig.

en neinei, pálmi gestsson var fyrsti maðurinn til að leika mig í sjónvarpinu, og það í spaugstofunni. pálmi gestsson!

sjáið þið einhvern svip sem er að fara fram hjá mér?

geómetríz
-svekkt-

ég er blind

2007-10-22T11:23:00.000Z

það er hér með formlega staðfest.

við selma fórum í sund í gær og lifðum báðar af. tókum okkur ágætlega út fyrir utan fyrstu ferðina þegar við vorum að reyna að rifja upp tökin og fínpússa stílinn.

ég uppgötvaði aftur á móti að ég sé ekki hálfa sjón. hef ekki veitt því mikla athygli fram að þessu þar sem einu skiptin sem ég er ekki með linsur er rétt á meðan ég sef.

að fá klór í augun bætir sjónina heldur ekkert svakalega. selma minntist á það hvað tunglið væri nú fínt. ég snéri mér í nokkra hringi og svipaðist um eftir tunglinu en sá það hvergi. selma neyddist til að benda mér á það. ég hafði reyndar alveg séð það, ég hélt bara að það væri ljósastaur.

selma minntist líka reglulega á hvað klukkan væri. ég skildi ekkert í því hvernig hún gæti bara vitað það, fyrr hún benti mér á flennistóru klukkuna í sundlauginni sem er ekki minna en 25 fermetrar að flatarmáli. ég sá nú samt bara risahring í móðu svo ekki hjálpaði það mér nú mikið.

ég toppaði þetta svo með að reyna að opna gluggann á gufubaðinu, sem ég hélt að væri hurðin.

ég neita að fara í sund aftur fyrr en ég verð búin að pörkeisa sundgleraugu.

p.s. afmæliskveðju dagsins fær enginn annar en nonni/mr. pizzasjeiker/foggy.

geómetríz
-staurblind-

heim í heiðardalinn

2007-10-21T10:28:00.000Z

jæja, það kom að því. ég ákvað að selja úr mér nokkur líffæri og náði með því að skrapa saman pening fyrir flugfari austur á land. ég er farin að skilja betur þessa fólksfjölgun heima, þetta er allt saman fólk sem hefur bara átt fyrir flugmiðanum aðra leið.

1. nóvember klukkan seytjánnúllnúll mun ég mæta heim í heiðardalinn í fuglasönginn og heiðbláan himininn og ganga um grasi grónar grundirnar á héraðinu fagra. troða mig út af mömmumat, skoða nýja húsið og hitta alla gleðipinnana fyrir austan.

annars er lítið að frétta, fékk þá flugu í höfuðið að draga selmu með mér í sund eftir vinnu, er farin að fá smá bakþanka. hef ekki farið í sund síðan ég bjó fyrir austan (sem var nota bene fyrir tæpum 3 árum, þetta líður) og er ekki viss um að ég kunni enn að synda. er farin að óttast það að sökkva bara til botns og drukkna.

jæja, það er best að fara að vinna fyrir flugfarinu.

geómetríz
-týndi sauðurinn á heimleið-

Afmæli....again

2007-10-13T15:41:00.000Z

Ég á víst afmæli í dag.
Til hamingju með það.

Þakka móður og föður fyrir frístandandi hakkavélina.
Nú get ég farið að stela hreindýrum og taka slátur.

Er á Akureyri og á mánudaginn fer ég í bústað í Kjós með syni nr 2 og Pé. Verð sambandslaus með öllu, en afmælisgjafir má senda á sumarbústað RARIK við Meðalfellsvatn.

Góðar Stundir
Ingunn Bé

gleðilegt

2007-10-03T21:12:00.001Z

ef þið hringið í 118 núna, eru góðar líkur á að þið fáið að tala við manneskju sem:

a) á afmæli í dag
b) er með kórónu á höfðinu
c) er með heiðgula helíumblöðru á stærð við jóhann risa bundna við skrifborðið sitt

það er sumsé hún ég. gunnar gunnarsson var að stinga upp á því við mig að ég svaraði í símann "118 góðan afmælisdaginn", hver veit nema ég taki það til greina.

geómetríz
-afmælisbarn í banastuði-

veeeei!

2007-10-03T13:07:00.000Z

klárlega fínasti dagur ársins í dag.

geómetríz
-toogtyve-

allt að gerast

2007-10-01T15:35:00.000Z

bíllinn minn er orðinn sprækur sem lækur og fer í gang eins og hann fái borgað fyrir það. það er dásemd.

ég fór á liðsheildardag hjá skiptum (sem á já og símann og fleiri fyrirtæki) og keppti í kökuskreytingum eins og ekkert væri. það var keppt í kökuskreytingum, sirkusþrautum, línudansi, golfi, körfubolta, teiknileikni og legóbyggingum og mitt lið vann að sjálfsögðu. fékk fyrstu medalíu lífs míns, sem óneitanlega læknaði örlítið af biturleikanum sem ég hef verið haldin síðan haustið 1991. þá var ég stödd á eiðum að keppa í spretthlaupi 6 ára barna. hljóp af gífurlegri fagmennsku í rauðum gúmmístígvélum og var þriðja í mark. beið spennt eftir verðlaunaafhendingunni en neinei, bara verðlaun fyrir fyrsta og annað sæti. fussumsvei.

fálkagatan var afhent í dag, sem er dásemd.

kisan sem ég er með í pössun er hætt að reyna að drepa mig með hvæsi og klóri og er farin að vera alveg eins og hún á að sér að vera, sumsé stórfurðuleg.

það komu menn frá símanum í morgun að tengja sjónvarpið fyrir mig, var að íhuga að koma til dyra með medalíuna um hálsinn og hlæja og benda, en hætti við á síðustu stundu.
er núna komin með yfir 60 sjónvarpsstöðvar þráðlaust í gegnum veraldarvefinn og er haldin gífurlegum valkvíða þegar ég kveiki á sjónvarpinu. kannski ekkert skrýtið þar sem á mínu heimili hefur aldrei verið neitt nema rúv og svo í mesta lagi skjár einn. ég og gunnhildur sátum spenntar yfir mjög áhugaverðum þætti um súrkál í pólska ríkissjónvarpinu í morgun, ég var alveg jafn spennt þótt ég skildi ekki orð. skildist samt að þetta tiltekna súrkál væri einstakt sinnar tegundar og gæfi manni svo gífurlegan lífskraft að annað eins hefði ekki sést.

semsagt allt í glimrandi gleði hér í borginni.

geómetríz
-hress sem fress-

ég og bíllinn minn

2007-09-26T21:37:00.000Z

ég hefði átt að gleðjast aðeins meira yfir því fyrir rúmri viku hvað ég ætti rosa mikið eftir að mánaðarlaununum mínum til að gera eitthvað skemmtilegt, ég er nefnilega búin að fara svo oft á eitt bílaverkstæðið hérna í borginni síðustu vikuna að ég held að fólkið þar sé farið að velta því fyrir sér hvort ég sé byrjuð að vinna þar. konan í móttökunni er farin að fölna þegar ég birtist.

bensalingurinn minn er búinn að vera með mótþróa og unglingaveiki (enda seytján vetra) og neitar að fara í gang nema bara þegar honum hentar. hann er líka með þá þreytandi stæla að lagast ekkert, sama hvað þessir blessuðu bifvélavirkjar reyna að gera fyrir hann.

til að toppa gleðina yfirfóru þessir lúðar bremsukerfið fyrir mig, ég brunaði með bílinn í skoðun og viti menn! ég fékk ekki skoðun á bremsurnar.

í dag sótti ég hann í 3 skiptið í þessari viku á verkstæðið, hann var orðinn svo ljómandi fínn eftir viðgerðina að hann fór ekki einu sinni í gang á bílastæðinu fyrir utan. þá kom einhver viðgerðarkall aðvífandi með starttæki, sem átti víst að redda öllu ef ég myndi láta bílinn ganga í smá tíma þegar ég kæmist heim. mér til mikillar gleði og hamingju fékk kalldruslan þetta fína rafstuð í puttann, hann átti það alveg skilið muhahaha!

bensi fór í gang og hélst í gangi alveg að næstu gatnamótum þar sem hann gaf upp öndina. var svo rafmagnslaus að ég gat ekki einu sinni sett hazardljósin á. klukkan hálf fimm síðdegis. ég er hissa að ég hafi ekki fengið hiksta miðað við allt fólkið sem var fast fyrir aftan mig í síðdegisumferðinni. ég vatt mér útúr bílnum og ég og einhver flutningabílstjóri ýttum kvikindinu út í kant. selma kom og gaf mér start (ég er bæ ðe vei orðin svo mikill expert í að gefa start eftir þessa viku að ég gæti gert það blindandi) og ég komst heim við illan leik. ef bíllinn fer ekki í gang á morgun neyðist ég til að fara á verkstæðið veifandi haglabyssu.

eini ljósi punkturinn á þessu ævintýri er að ég er búin að læra allskyns exótísk bílaheiti, sem ég get notað þegar einhver spyr mig hvað ami að tryllitækinu. það heyrist því oft til mín þessa dagana að segja hluti á borð við "jájá, það var raki í kveikjuloki og svo þurfti að taka hitahlífina af hvarfakútnum til að laga glamrið, svo eru þeir búnir að skipta um spennustillinn á alternatornum. svo eru þeir búnir að skipta um bremsudiska og klossa og hemlaslöngur og setja nýja togstöng". sem betur fer hefur enn enginn spurt hvað þetta nákvæmlega þýði því þá kæmist upp um mig.

eitthvað segir mér að ég eigi eftir að læra fleiri skemmtileg bílaorð á næstu dögum. :(

geómetríz
-geðstirður bíleigandi-

Tímleiðis

2007-09-23T06:34:00.001Z

Hún ákvað þetta árið að fara bakleiðis í stað framvegis. Því var haldið upp á 21 árs afmæli í dag.

Ég fékk ægilega fínan morgunverð í rúmið og svo var pakkastund. Danny færði mér alkemistann, Rory gaf mér jakka sem hann saumaði sjálfur - hann má nota innhverfis sem úthverfis. Í pakkanum frá Rob var töfragarður sem blómstrar á tveimur dögum. Trén eru þegar farin að blómstra fallega bleikum blómum!

Eftir morgunstundina settum við öll upp coolsólgleraugun og stungum okkur í skærlitu skóna. Okkur Danny var falið að baka gulrótaköku en hinir tveir voru ægilega lumulegir og stungu af. Áður en ég vissi af var húsið fullt af fólki, og borðin svignuðu undan kiwiskum kræsingum. Þeim fannst viðeigandi að ég upplifði ekta kiwiskt barnaafmæli, sem stóðst sko allar væntingar!

Hér má sjá afmælisbarnið að leika með nýja dótið:

Þetta er dæmi um barnaafmæliskræsingarnar...

... og strákarnir mínir uppgefnir eftir ofátið

Núna er stefnan tekin á kveldverðarpartý og svo luma strákarnir á einhverju gleðilegu leyndói sem verður afhjúpað þegar við komum heim.

Að öðru - við fórum á magnað gigg í gær. Battles - Amerískt band sem rokkar á milli þess að vera electronic og heavy metal... Frábært show og magnaðir smellir.

Sjáumst fyrr en varir,

Golsa
- á öðrum endanum -

ég kann ekki að meta

2007-09-13T14:43:00.000Z

þegar ég hringi í númer og fæ símsvarann "það er enginn notandi með þetta símanúmer. vinsamlega leitið upplýsinga í 118."

mér líður alltaf eins og síminn minn sé að gera grín að mér :(

geómetríz
-sár-

Svona er hún...

2007-08-26T08:32:00.000Z

1. Ég og flattararnir mínir (the boys) klæðumst iðulega flat-júniformi.
2. Það eru fjórar vatnsflöskur á náttborðinu mínu.
3. Ég er með tannburstunaráráttu.
4. Nýlega lærði ég að borða kiwi með skinninu.
5. Ég er afskaplega hörundsár gagnvart myndavélinni minni.
6. Ég get ómögulega stigið á götuhlemma.
7. Kettir eru betri, þó bæði sé gott.
8. Ég flýg til Íslands í nóvember til að skíra litla bró.

Takk fyrir það gemsur, klukka nú elskulega uppáhaldssystur mína.

Golsa
- thunder -

klukk

2007-08-21T13:29:00.000Z

Corolla mín klukkaði mig víst, svo hér koma 8 staðreyndir um mig.

1. Ég er haldin þrifnaðaráráttu á háu stigi. Hata skít og skítug gólf þá sérstaklega. Ég á svo bágt með í ofanálag, að skilja fólk sem gengur um eins og sóðar og finnst það allveg geta gefið sér tíma til að taka til....

2. Ég bölva frekar mikið og hef reynt í áranna rás að venja mig af því....en, það er erfitt að kenna gömlum.....

3. Ég er stórkostlegur besservisser.

4. Ég meika illa fólk sem vill endilega segja mér hvað ég geri rangt varðandi umönnun á barni mínu.

5. Dramaþættir með rómantísku ívafi er e-ð sem ég hef ánetjast í gegnum tíðina. Já, og læknadrama. Sem þýðir, að vegna þess að stöð tvö sýnir nkl ekkert annað, þá er ég frekar bissí öll kvöld.

6. Get illa sofnað án þess að lesa fyrst. Keypti mér lítið vasaljós í Tiger svo ég geti lesið eins og fimmára krakki undir sæng á kvöldin. Ég fer nefnilega síðust að sofa og allir mínir piltar sofa ekki nema aldimmt sé í herberginu.

7. Get verið ofsalega dónaleg við starfsfólk í verslunum finnist mér það ekki vinna vinnuna sína skaplega. Þá á ég við fýlubrækur sem frekar drepast en að aðstoða mann hið minnsta.

8. Hef hringt í heilbrigðisráðuneytið og tapað mér vegna ömurlegrar heilbrigðisþjónustu á Austurlandi. Bauð fulltrúa heilbrigðisráðherra að leggjast inná deildina fyrir aldraða á EGS og fá sömu þjónustu og þeir. Þar að auki mætti hann ekki fara framúr sjálfur, heldur allt með aðstoð, og deila klósetti og 15 fermetrum með 3 öðrum bláókunnugum. Hann afþakkaði.

Þannig er nú það í kaupfélaginu í dag.

Ingunn BBQ

mamma gamla

2007-08-16T15:08:00.000Z

klukkaði mig og neyðist ég þess vegna til að skrifa hér 8 staðreyndir um mig.

1. ég er sannfærð um að íbúðin mín sé langfínasta íbúð í heimi :)
2. ég hef drukkið kaffi frá því ég var 4 ára, alveg eins og mamma...
3. ég fæ mér ekki kaffi í vinnunni nema ég finni bolla með heilu já-merki, drekk aldrei úr bollum sem merkið er farið að mást af (já ég er skrýtin)
4. mér finnst mjólk úr fernum sem ég opna sjálf miklu betri en mjólk úr fernum sem aðrir hafa opnað.
5. ég gæti auðveldlega lifað á kristal plús og appelsínusafa.
6. ég tala miklu oftar við fólk sem ég þekki ekkert heldur en þá sem ég þekki (sem skrifast víst á vinnuna mína)
7. ég komst að því í gær að ég bý svo langt útí sveit að það er krækiberjalyng í bakgarðinum mínum.
8. ég er með óútskýranlega fordóma í garð hvammstanga, þótt ég viti ekkert um staðinn og hafi held ég aldrei komið þangað.

ég er að hugsa um að klukka corollurnar, ef þær eru þarna einhversstaðar á lífi.

geómetríz
-hress sem fress-

jújú

2007-08-07T19:11:00.000Z

ég er komin til íslands fyrir löngu síðan, ef einhver var að velta því fyrir sér. danmerkurferðin var prýðileg, við skrunuðum þvers og kruss um danmörk og virtum fyrir okkur nánast hvert einasta krummaskuð. skruppum aðeins til þýskalands og svíþjóðar, sem var ljómandi.

komum heim 18. júlí, keyptum okkur bíl, forláta hvíta benzbifreið sem mamma var svo elskuleg að selja örverpinu.

keyptum okkur líka íbúð upp í grafarvogi, útí sveit, nánar tiltekið í goðaborgum. fáum hugsanlega kannski afhent á föstudaginn næsta, í síðasta lagi 15. ágúst. móðir mín er eitthvað örlítið abbó yfir því að við fáum afhent á undan henni en við tökum því bara með brosi á vör.

vorum í sælunni á egilsstöðum um verslunarmannahelgina, kíktum á borgarfjörð, seyðisfjörð, reyðarfjörð, eskifjörð, norðfjörð, vellina, hallormsstað og þingmúla. já og svo er víst vissara að nefna að við kíktum líka á skógarkot sem var ljómandi fínt, gott ef ekki fegursta hús egilsstaðabæjar.

lentum líka óvart í æsispennandi björgunarsveitarútkalli.

keyrðum hringinn og vorum bara rétt í þessu að renna aftur í höfuðborgina.

sælan er rétt að klárast og ég er að fara að vinna á fimmtudaginn. það verður samt alveg prýðilegt að fara að gera eitthvað aftur, ég er eiginlega búin að gleyma því hvernig það er að vera í vinnunni.

jæja, ætla að fara að bregða mér af bæ. ef einhver er mjög æstur að pakka niður öllu dótinu mínu og flytja það (af því að ég er eeeeekkiiii að nenna því) er honum mjög svo velkomið að hafa samband við mig.

geómetríz
-eyðslukló nr. 1-

og svo

2007-07-16T16:26:00.000Z

Mest lítið í fréttum. Er ennþá í fæðingarorlofi....og næstu 14 mánuðina. Sigurður Óttar náði þeim merka áfanga að verða 10 vikna síðastliðinn laugardag. Í tilefni þess var opnuð heimasíðan http://www.barnanet.is/sigurdurottar. Er hún læst fyrir margar huta sakir, einhvernvegin kærum við okkur ekki um að hver sem er sé að skoða heimilismyndir okkar og þá sérstaklega ákveðnir aðilar. Lykilorð eru gefin upp í gegnum síma og ímeili EINGÖNGU, og eru þau ætluð til einkanota og biðjum við fólka vinsamlega að gefa þau alls ekki upp til þriðja aðila. Við viljum fá að velja sjálf hverjum við gefum upp lykilinn. Ég vil biðja þá sem ekki fá aðgang að vera ekki fúl, þessi síða er meira hugsuð fyrir okkar nánustu, ættingja og vini. þá meina ég nánustu.

Þannig er nú það. Erum á Akureyrir sem stendur, erum að ná í Einar Jóhann. Pálmi varð eftir heima, enda nóg að gera í húsi, en við Hafrún brugðum okkur saman. Í dag hef ég valið gólfefni á allt húsið og sturtuna. Tók ekki nema einn klukkutíma. Geri aðrir húsbyggjendur betur ;-)

Og nú er komið að matartíma hjá Ess Óttari, bið að heilsa.

Góðar Stundir
Ingunn BBQ
-Í gólfefnafasa-

heil á húfi

2007-07-08T12:56:00.000Z

jæja, tá erum vid komin til nors á nordur jótlandi vid limfjord. erum í gódu yfirlæti hjá dóru og systur hennar.

allt gengid ljomandi vel, grenjandi rigning fyrsta kvøldid en svo høfum vid nú fundid sólarblett hér og tar. búin ad skoda alls kyns kastala og søfn, lenda í alls kyns ævintýrum og skruna hingad og tangad, svona um 1200 kílómetra.

stefnan er tekin á skagen og svo nidur ad landamærum týskalands og danmerkur og svo ætlum vid ad fara ad halda í átt til køben aftur.

tá er tad ekki fleira ad sinni, veridi sæl.

geómetríz
-hress sem fress-

gódan daginn

2007-07-04T07:32:00.000Z

vid nonni erum i gódu yfirlæti hér á hotel opera, erum ad fara ad skruna útúr bænum :)

ferdaóheppninni virdist vera aflétt í bili tar sem vid fengum tøskurnar okkar fyrst allra á kastrup í gær. vid trúdum varla okkar eigin augum.

fyrsti madurinn sem ég rakst á á kastrup var enginn annar en hann laust, sem var med mér í krogerup.

hótelid okkar er ljómandi ágætt og vid smelltum okkur á hviids vinstue í gær. teir hafa greinilega séd einhvern finns karlssonar svip á mér tví ég fékk ekki merkt glas. enginn glasagródi tar.

en nú erum vid sumsé farin frá køben og ef ekkert heyrist frá mér meir hefur mig trúlega rignt í kaf á einhverju tjaldstædinu.

geómetríz
-keik í danaveldi-

verið þið sæl

2007-07-03T09:36:00.001Z

ég er flúin í 2 vikur til danaveldis.

perla, ég skal persónulega sjá til þess að það verði drukknir í það minnsta 5 frappe latte á nazaza fyrir þig :)

geómetríz
-farvel mine kære nordiske venner-

ég leyfi mér að fullyrða

2007-06-19T14:14:00.000Z

að þessi skráning hér, ein sú nýjasta í símaskrá íslenska lýðveldisins, sé sú fegursta í sögunni.

ok, þessi er kannski aðeins fegurri, en ég sætti mig alveg við að vera í öðru sæti.

geómetríz
-varðhundur-

önnin farin, farin

2007-06-19T10:43:00.000Z

Þá er önnin á enda, hún sem hefur verið svo svefnlaus og endalaus.

Við gott tækifæri sendi ég inn myndir af afrakstri annarinnar.

Þangað til læt ég annaramanna umsagnir duga:

Þessir voru ansi ánægðir með bekkinn minn. Ég var í MIGME hópnum, og svo var ég sýningarstjóri fyrir lokasýninguna.

Ég hannaði leikmynd fyrir leiklistarhátíð ungs fólks - leikritið fékk ekki góða dóma enda óttalegt sull, en leikmyndin vakti ánægju. "The imaginative set is used to great effect and the scenes move swiftly one to the other... " sagði í The Dominion Post.

Á morgun tek ég rútu upp til Turangi, klifra í þrjá daga, Hamilton í tvo daga - en þar er stytta af RiffRaff - og snjóbrettaferð til Turoa í fjóra daga.

Sjáumst hress og endurnærð,

Golsa
- búin -

Hitt og þetta

2007-06-13T14:20:00.000Z

Jæja, þá eru næstum 6 vikur komnar. Á þessum dögum hefur herra Sigurður Óttar (a.k.a Hr Vælann, Skælann og Ælann) þyngst um 1200 gr. Það er ansi mikið, en kauði á kyn til. Er það mál manna að hann verði stór eins og pabbi sinn en feitur eins og mamma sín.....æ.
Hann dundar sér við það að grenja allann liðlangann daginn og æla þess á milli. Þrátt fyrir það sefur hann eins og engill á nóttunni og er bara bjúúúúútílfúl barn
Á föstudaginn leggur hann land undir fót ásamt foreldrum til Akureyrar, þar sem hann verður viðstaddur sitt fyrsta brúðkaup. Ingunn og Siggi ætla loksins að ganga í það heilaga á laugardaginn. Til hamingju með það. Vonandi verður gott veður og gott að éta.

Einar Joð kom til okkar í nokkra daga. Átti kauði afmæli í gær og er orðinn 10 ára sem þýðir að nú geta menn vakað aðeins lengur, passað bróa og byggt hús.....er á meðan er. Í tilefni af því bökuðum við Habba margar kökur undir taktföstum grenjum Sigurðar, en tækluðum engu að síður brjálaða afmælisveislu. Ekki annað hægt, enda vanar konur á ferð.

En allavega hérna er ein mynd af þeim bjúúúúútífúl bræðrum.

Gísli Mar frændi minn örmagnaðist í heimsókn til Sigríðar í Ríkið. Einn sterkur fyrir afa.....

Svona er lífið hjá okkur. Greinilegt að ég er nýbúin að læra að setja inn myndir.

Af húsbyggingu er allt gott að frétta. Hlynsi kemur frá Svíþjóð þann 15 og verður í vinnu hjá okkur þarnað til skóli byrjar á ný. Við erum búin að pannta elhúsinnréttinguna, eldhústæki, baðherbergisinnréttingu og á næstu dögum verður panntað baðkar....það stærsta sem Pé fann í búðinni....svo stórt að það tekur 16 vikur að fá það frá Kína. Takk Pé, hvar á ég að baða mig í 10 vikur? Vonandi verður flutt inn í lok Júlí.......vonandi.

Góðar Stundir

Ingunn BBQ

-Að gera ooof mikið-

Meðleigjandi

2007-06-05T05:39:00.000Z

Ég fékk sms um daginn:

Hey, there is a mouse in yor room. Just thought we should let you know.

Golsa
- kindur borða ekki mýs -

Fyrir ári síðan

2007-06-02T23:16:00.000Z

Fyrir nákvæmlega ári síðan var þessi mynd tekin. Ég fæ ennþá smá sting í magan við tilhugsunina, enda var þessi ferð brill frá upphafi til enda með aaaafar skemmtilegu fólki. Það er óhætt að segja að þaðrann ekki af manni í tvær vikur og vorum við óþreytandi við að ferðast um Yucatán með sólarvörn 42 og fullan bíl af vatni, snakki og öli. Þennan dag voru forsetakosningar í Mexico, en úrslit réðust ekki fyrr en í nóvember á síðasta ári. Furðulegt. Þann dag samkvæmt lögum má ekki drekka nér selja vín, var okkur sagt, en merkilegt nokk þá mátti selja bjór, en allstaðar var tekíla hulið í verslunum. Sennilega finnst þeim bjór ekki vera neitt til að verða fullur af. Hvernig sem það er nú hægt í 40 stiga hita og biluðum Karíbahafsraka.

Í dag á móðir mín afmæli, er skvísan 39 eins og venjulega. Í tilefni dagsins fór E. Pé faðir minn með hana í skemmtiferð norður í land. Í afmælisgjöf frá okkur Steinhyltingum fékk hún rauðvín og gjafabréf í andlitsbað. Hvor tveggja getur nefnilega gert kraftarverk ef maður er með móral yfir aldrinum ;-)

Til Hamó með daginn elsku Mamma.

En í dag er ég ekki í Mexíkó. Ég er í Steinholti með gaur sem varð fjögra vikna í dag. Í tilefni dagsins var borðuð heit ávaxtakaka með ís og nafni hans Fjölnir kom í heimsókn. Ætli við verður ekki ein af þessum klikkuðu foreldrum sem finnst hver mánuður eins og brjálaður áfangi. Sennilega bara Pé, enda er þetta hans fyrsta barn og allt e-ð voða mikið jeee.

En það er bara bjútlífúl. Í stað sólbaða, ferðalaga og bjórdrykkju stunda ég bleijuskipti, túttuskap og óreglulegan svefn og satt best að segja, þá vildi ég ekki skipta fyrir alla heimsins auð. Lífið er dásamlegt.

Góðar Stundir

Ingunn BBQ

-Bjúúúútífúll-

mér er brugðið

2007-05-27T10:58:00.000Z

lestur þessarar fréttar vekur hjá mér óhug, ég trúi bara ekki að borðeyri sé orðin að ghettói!

p.s. ég eignaðist saumavél um daginn og varð í sömu andrá 40 árum eldri og fékk 37 nýjar hrukkur í andlitið.

geómetríz
-takk fyrir og góðar stundir-

Praktík

2007-05-27T02:32:00.000Z

Matarvenjur ungs manns í Wellington, sönn saga:

Innkaup eru gerð þegar mjólkin klárast, innkaupamiði með í för.

Dæmi:

mjólk
bananar
skinka
tómatar í dós
verðlaun (gotterí)

Morgunverður:

3 Weetabix
2 ristaðar brauðsneiðar með hunangi
1 vatnsglas
Ekkert fleira

Hádegisverður:

2 samlokur, gróft brauð

Álegg:
- skinka
- kál
- tómatsósa
- ostur

1 vatnsglas
Ekkert fleira

Leiðbeiningar:

#1 Skorpa etin af einni hliðinni í þremur bitum - frá vinstri til hægri.
Munnfylli tuggið og því kyngt
Samloku snúið um 90 gráður
Endurtekið
1 vatnssopi

#1 Endurtekið

#2 Skorpulaust brauðið er brotið saman og þrír bitar teknir.
Munnfylli tuggið og því kyngt.

#2 Endurtekið

1 vatnssopi

Endurkið með hina samlokuna.

(Samantekt: Þrír bitar í röð, tuggið og kyngt. Eftir hverja sex bita er tekinn vatnssopi. Samtals átján bitar fyrir hverja samloku)

Kaffitími:

1 banani
Ekkert fleira

Kveldverður:

Grunnuppskrift:
- Hakk
- Tómatar úr dós
- Brokkolí
- Blómkál
- 1 teskeið af kryddblöndu
- örlítið af salti

Mánudagur:

Grunnuppskrift - tvöfölduð
pasta, soðið í 12 mínútur (hvort sem það er tilbúið eður ei)
1 vatnsglas
Ekkert fleira

Helmingur hakks sett í ísbox, geymt í kæli.

Þriðjudagur:

Hakk úr ísboxi hitað upp og etið.
Ekkert fleira

Miðvikudagur:

Grunnuppskrift - tvöfölduð
Pítubrauð
1 vatnsglas
Ekkert fleira

Helmingur hakks sett í ísbox, geymt í kæli.

Fimmtudagur:

Hakk úr ísboxi hitað upp og etið
2 brauðsneiðar
1 vatnsglas
Ekkert fleira

Föstudagur:

Frjálst
Ekkert fleira

Laugardagur:

Afgangar af bökum og pylsum frá vinnustaðnum (kjötvinnsla)
1 vatnsglas
Ekkert fleira

Sunnudagur:

Afgangar af pylsum
1 vatnsglas
Ekkert fleira

Klinki á glámbekk skal safnað alla vikuna, ef nóg hefur safnast fyrir íspinna skal hans notið á sunnudegi.

Endurtakið í hverri viku.

Ég er vitni, þetta er ekkert grín!

Golsa
- dolfallin af hrifningu -

Sigurður Óttar

2007-05-16T14:44:00.000Z

Hann er nú allveg ágætur, ekki satt.
Gunnþóra kom í gær, ég hefði átt að hafa aðeins meiri áhyggjur, hélt nefnilega að ég væri ekki að framleiða nóg ofa'ní kauða. Hann þyngdist samt um 450 gr á 6 dögum. Geri aðrir betur.
Annars er lífið dásemd, dagarnir líða áfram við sjónvarpsgláp, túttuskap og gestagang.
Pé vinnur eins og skepna við að gera Dalselið fokhelt og næst það sennilega á næstu 2 dögum eða svo. Þá verður lífið léttara.
Læt vita af okkur fljótlega aftur.

Góðar Stundir
Ingunn BBQ
-Með sjónvarpsdagskrána á tæru-

jæja

2007-05-09T17:03:00.000Z

meðan corollurnar mínar fjölga mannkyninu og lemstrast á rokktónleikum, lifi ég rólegheitalífi hér í höfuðborginni og fínpússa borgarplebbann innra með mér.

í gær fór ég til dæmis í golf. ég fór ekki einu sinni á alvöru golfvöll heldur í bása, þar sem fólk kemur saman með golfkúlur í fötu og æfir sveifluna. Hér er til dæmis ljósmynd af mér og minni fögru sveiflu:

ég var áberandi best á svæðinu, nonni þagði nú bara þegar ég hélt því fram, en þögn er sama og samþykki.

ég er klárlega næsti woodsari, svona þegar ég hitti boltann að minnsta kosti. barði kylfunni í jörðina í svona 75% tilvika og tók vindhögg með tilþrifum í 24% tilvika.

kaus í gær og kom atkvæðinu á viðeigandi kosningaskrifstofu áðan. búinn að vera mikill höfuðverkur fyrir mig hvað ég ætti að kjósa, ætlaði að vera ægilega metnaðarfull og lesa stefnu flokkanna. hafði ekki einbeitingu í meira en tvær línur sem í þokkabót voru þær sömu hjá öllum flokkum. endaði bara á því að beita útilokunaraðferðinni. var farin að efast um hana líka svo ég nánast úllendúllendoffaði bara stimplana í kjörklefanum. '

júróvissíonfiðringurinn er mættur í hús, þrátt fyrir að ég hafi saknað bbq og trailertrash sárt síðustu föstudagskvöld þegar ég hef horft á júróþáttinn. ég er svo mikið hvítt rusl að ég er miklu spenntari fyrir júróvissíon en kosningunum.

en jæja, það er kreisí að gera end æ möst vörk.

geómetríz
-kreisíspreisí-

Sigurður Óttar Pálmason

2007-05-07T12:22:00.000Z

Leit dagsins ljós kl 21:11, þann 5 mai.
3740 gr og 52,5 cm.

Gekk svakalega vel fyrir utan að hann ætlaði að fæðast í framhöfuðstöðu, en þóknaðist að snúa sér rétt í blá lokinn og fæddist háorgandi með glæsibrag.
Ég er ekki frá því að hann sé líkari Pé en hann er með rauðleitann blæ á hári (dásemd)
Pé fær beztu þakkir fyrir fyrir að vera besti félagi í heimi og ljósmæðurnar á FSA eiga náttúrlega bara skilið Fálkaorðuna fyrir yndislegheit.

Þetta var merkilegur dagur fyrir margra hluta sakir.
Mamma og pabbi áttu 30 ára brúðkaupsafmæli.
Jóhanna ömmusystir mín var jörðuð á Húsavík.
Halldóra Malin vinkona mín átti afmæli.
Sigurður Óttar fæddist.
En ekki hvað..................

Góðar Stundir
Ingunn BBQ
-Tveggja drengja móðir-

The King Brothers

2007-05-04T10:18:00.000Z

Ég fór á gigg í gær.

Ég veit ekki hvort ég eigi að hlægja eða gráta. Þetta var svo rosaleg upplifun að ég þurfti allan daginn í dag til að jafna mig - lifi og nærist á gleðinni sem gekk á í gær.

Strákarnir í bekknum höfðu minnst á þessa tónleika áður en ég steingleymdi að redda mér miða. Ég stökk upp í predrinks hjá hinu Hopper-genginu og ákvað að ganga með þeim niður að SanFransiscoBathouse og athuga hvort ég kæmist inn. Mér til mikillar lukku var laust pláss fyrir litla körnu og stemningin á staðnum var rafmögnuð. Gaurarnir byrjuðu að spila um 23:00.

Rokk og ról og slamm og dans og gól og garg og hrind og hrist... þvagan var ótrúleg. Undir lokin fluttu þeir trommusettið niður á gólf og rokkuðu í þvögunni. Ég veit ekki hvað ég er að reyna að lýsa þessu... allavega - ég endaði kófsveitt með glóðurauga, marbletti og harðsperrur í hálsi.

Golsa
- í feitri adrenalínvímu -

Mannstu eftir henni?

2007-05-01T08:16:00.000Z

Jæja góða fólk, Karna lifir enn.

Var rétt í þessu að skófla í mig slatta af spaghettíi og vatnssósa dósatómötum með britjuðum baunum og gulrótum. Ostur yfir, garlic salt - gaffall og skeið. Það tók fljótt af. Um daginn fékk ég að smakka þjóðarréttinn, hélt ég hefði yfirstigið allt svoleiðis með fish and chips frá Welcome TakeAways, en svo var ekki. Spaghetti on Toast er algjört möst fyrir saklausan útlending að smakka, það er dósaspaghettí-slumma á brauðbaði (tvær þurrar ristaðar brauðsneiðar) skreytt með rifnum osti og hvítlaukssalti. Ótrúleg upplifun, ég geymi minninguna vel og lengi svo ég þurfi ekki að rifja hana upp "fissiklí" í bráð.

Stakk af úr tíma áðan til að fara á fyrirlestur um sustainability, hef hlakkað til síðustu daga og náði að draga nokkra skólafélaga með mér. Mikið einstaklega er hægt að sjá leiðinlegar hliðar á annars skemmtilegu viðfangsefni. Ég sofnaði, hugsaði, boraði í nefið, skrifaði bull á blað og beið svo þangað til maðurinn hætti að tala. Þó ég ætli mér ekki að verða iðnhönnuður þá hef ég mikinn áhuga á greininni og nýt þess fullkomlega að grafa og pæla í flestu henni tengdu. Þessi maður aftur á móti, náði að grafa upp og slumma á skjávarpa öllum leiðinlegu hliðunum, tilgangslausu endunum, ... best að hætta að tuða. Allavega gengum við Rory út með stýrur í augum og leiðaglampa sem sást langar leiðir. Þegar við gengum inn í liftuna lofuðum við hvoru öðru að verða aldrei venjulegir iðnhönnuðir!

Ég held ég hafi ekki gefið út nýju addressuna mína...

Karna Sigurðardóttir
9-5 Hopper Street
Mt Cook
6011 Wellington
NZ

Allt gott og skemmtilegt vel þegið í pósti, sérstaklega bréf, flöskuskeyti og servéttur í safnið.

Golsa
- tórir -

Sko.........

2007-04-25T11:32:00.000Z

Gott fólk.

Gerið mér greiða. Ekki hringja og ekki spyrja, ekki hamast á mér á msn útaf þessari meðgöngu. Ég nenni hreinlega ekki að taka við fleiri ráðum um gönguferðir og öðrum húsráðum til að svæla krakkan út. Fyrir þá sem ekki vita þá stýrist byrjun fæðingar af ákveðnum hormón í heiladingli sem losnar og framkallar hríðir. Skiljú? Ekki gömlum kreddum.
Svo áskil ég mér rétt til að vera dónaleg þegar fólk talar um vaxtarlag mitt. Hvílíkur dónaskapur. OG HVAÐ FOKKING MEÐ ÞAÐ ÞÓTT ÉG HAFI BÆTT Á MIG, gefur það fólki leyfi til að tala stanslaust um það í nærveru minni. Ég veit sko um fullt af fólki sem er einkennilegt í vextinum, ég læt það bara kjurrt liggja.
Bumban á mér er ekki almenningseign, gauf, pot, strok og káf er óþolandi og þreytandi, ekki gríp ég í fellingar framan á fóli og segi "aaaa gússígú, bara kleinuhringir, saltkjöt og læti"

Ég er með ágætann lista, fólk verður látið vita, pottþétt. Það má hinsvegar hringja og spjalla um daginn og veginn, slúður og svona, allt slíkt er vel þegið í eina samfellda sunnudaginn minn.

Góðar Stundir
Ingunn BBQ
-ennþá manneskja þrátt fyrir óléttu-

Afmælin

2007-04-08T00:49:00.000Z

Við Völundur áttum notalegan dag saman á tuttugasta og þriðja afmælisdegi hans. Við fengum okkur morgunverð á Bambino, röltum um bæinn, hjóluðum á waterfront-inum, fórum í bíó og enduðum góðan dag með ljúffengum ítölskum kveldverði.

Takk fyrir daginn og til hamingju litla blóm!

Daginn í dag á elsku uppáhalds systir mín, það eru páskar.

Golsa
- í einpáskapoka -

Baddabing

2007-04-05T11:37:00.000Z

Nú er meðganga mín formlega orðin sjúkdómur. Ég er heima allann daginn á náttbuxum móður minnar, afar fallegum bleikum með myndum af pálamtrjám. Einkar viðeigandi. Fór í sakleysislegt tékk hjá ljósu fyrir rúmri viku útaf skjótfengnum bjúg og kom í ljós aukið prótín og fáránlega hár blóðþrýstingur. Var mér gjört að yfirgefa vinnustaðinn hið snarasta og setja fætur uppí loft. Merkilegt að höfuðið á mér hafi ekki sprungið, því ég sem hef mælst á mörkum lágþrýstings alla meðgönguna var komin á mörk ofþrýstings, það er t.d. við bætt 43 í efrimörkum á 2 vikum...ha ha ha, er von að maður var hálf einkennilegur.
Buminn er þó keikur samkvæmt öllu, fór í vaxtasónar 34 viku til að athuga með fylgjuna og hundskaðist hún í rétt átt, þar að segja upp og þe kóst is klír for Bumbann. Nú eru bara eftir réttar og sléttar 4 vikur í kauða, helst fyrr. Stefni á 25 apríl fyrir nágrannan og póstþjóninn Laugu.

Í fréttum er fátt, en fengum þó góða gesti síðustu helgi. Piltar úr Vélskólanum, Mexícofarar og bjórskjónar mættu keikir síðasltliðinn föstudag. það voru þeir Arnar Már, Árni Viggó og Sigursveinn Óskar. Fór sá síðastnefndi á kostum um kvöldið, er orðinn þekktur á Hetjunni og reyndi ítrekað að borða uppúr kattamatsdallinum og braut fyrir mér eldhússtól. Hafi hann þökk fyrir það.
Að vanda sá ekki vín á Árna og fær hann viðurkenningu sem prúðupiltur og snyrtipinni helgarinnar. Einnig fær hann þakkir fyrir að pilla félaga sinn upp af bílplaninu hjá mér eftir að Jón Björnsson leigubílstjóri hringdi hér inn og tilkynnti um uppgjafadrykkjumann á trýninu sem yrði að bjarga inn. Fær Jón bestu þakkir fyrir hugulsemina.
Arnar Már verður vonandi sæmdur fálkaorðunni fyrir að heimsækja Jónas sveitastjóra og fá hann ekki einungis til að viðurkenna að hann þekkti Arnar, heldur fyrir að koma ofaní hann bjór líka, útá miðri götu um miðjan dag og það á korteri. Það skal tekið fram að þeir hafa aldrei á ævinni hist fyrr en akkúrat þarna. Takk Arnar, ég hef ekki hlegið svona mikið í langann tíma.
Þetta eru allt öðlingspiltar og ótrúlega skemmtilegt að fá þá í heimsókn. Ég gerði nú lítið annað en að elda bara on'í þá, enda má ég ekkert gera. Mikið þótti mér nú vænt um að hafa bevís frá lækni uppá blóðþrýstinginn þessa helgi, því sumir voru búnir að safna saman eineltistilburðum og yfirdrulli í hartnær ár til að nota á mig, en það var ekki notað því heilsu minni og barni má ekki stofna í hættu...ha ha ha ha, ég VANN!!!!!!!
Takk fyrir heimsóknina piltar, sjáumst vonadi í sumar, þá er um að gera að taka kjellingarnar með ;-)

Svona er nú það í kaupfélaginu, ég ætla að skreppa í Álfó og heilsa uppá Grísla systurson minn. Ég og Pé sóttum hann nefninlega á flugvöllinn í fyrradag og fékk ég að hafa hann í heilann dag, sem mér þykir ekki nóg.

Góðar Stundir
Ingunn BBQ
-Á sauðburðartíma-

óskar, you also grow in a special place?

2007-03-30T19:25:00.000Z

þetta hörbóvídjó hér er algjör pípandi snilld. ég hélt án gríns að ég myndi andast úr hlátri.

ég ætla að vona að þetta verði uppgötvað af ferðamálayfirvöldum og gefið út sem kynningarefni.

hvað er minna traustvekjandi en sölumaður dauðans sem kallar herbalife öööörbalæf?

geómetríz
-my grandfather was a really fisherman-

fréttayfirlýsing!

2007-03-27T14:31:00.000Z

fyrir stuttu ákvað ég að segja skilið við nonna fyrir fullt og allt og krækja í staðinn í bobby fisher. við bobby erum einkar hamingjusöm.

sá sem getur mögulega fundið verri mynd af nonnsensinu fær klárlega verðlaun frá mér :)

p.s. þeir sem vita af þokkafullum einhleypum karlmanni handa mér mega endilega hafa samband, þar sem ég þykist vita að ég þurfi á nýjum manni að halda eftir að nonni sér þetta blogg :)

geómetríz
-ahahahahaha-

Ingunn Einarsdóttir

2007-03-20T20:51:00.000Z

Jæja, þar kom að því. Amma mín, Ingunn Einarsdóttir, húsmóðir á Aðalbóli í Hrafnkelsdal er látin. Hún hefði orðið 93 ára í haust, stálminnug, við góða heilsu, sá og heyrði eins og haukur, einum of vel eftir að hún fékk nýju heyrnartækin, svo notuð séu orð eins sonar hennar.
Hún ól 10 börn, fjarri hátæknisjúkrahúsum og verkjalyfja og ól þau upp án þess að notast við leikskóla og dagmæður. 1946 flutti hún í Hrafnkelsdal að Aðalbóli sem þá var ekkert annað en illa farinn torfbær og skilst mér að hún hafi sofið heilt sumar á skemmulofti með pápa minn á þriðja ári, meðan verið var að gera íbúðarhæft. Á þessum tíma var hvorki bílvegir, rafmagn né sími og voru amma mín og afi kjörkuð að flytja á þennan afskekta stað, án þess að vita nokkuð hvað framtíðin bæri í skauti sér.

Ég var svo heppin að fá að alast upp, hangandi í pilsfaldinum á ömmu fyrstu 7 æviár mín. Í eldhúsinu kenndi ýmissa grasa, bakstur og eldamennska sem amma og mamma skiptust á að sinna í mannamargri fjölskyldu. Á þessum árum bjuggu mamma og pabbi niðri ásamt ömmu og okkur 3 systrum. Á efti hæðinni Kristrún systr pabba með Sigga og 4 börnum, Gísli og Sveinn ógiftir bræður pabba og stundum Manni og Baldur og Pálmi Indriða. Stundum hvein í ömmu þegar hún gólaði á eftir okkur barnabörnunum þegar við vorum að gera til bölvunar, en hlýju skorti ekki frá henni þrátt fyrir hún væri sífellt að vanda um fyrir okkur. Enginn var viljugri að spila ólsen ólsen við okkur, syngja okkur í svefn eða draga fram ís úr kistunni ef við báðum nógu fallega.
Þegar ég varð eldri dró ekkert úr umvöndunum "Talaðu hægar barn" "Talaðu skýrar", en það stafaði eingöngu af væntumþykju, henni var í mun að við kæmum vel fram og yrðum góðir einstaklingar.
Hláturinn sem hún var svo óspör á og söngurinn er þagnaður, en ég er viss um að hann ómar í hugum þeirra sem þekktu hana um ókomna tíð. Hún var einstakur karakter sem gleymist ekki svo glatt, dugleg, sanngjörn, hlý, bjartsýn og dásamleg að öllu leyti. Hún var virt og dáð af samferðarmönnum sínum og samsveitungum, elskuð af afkomendum sínum.
Sólin hefur risið hjá henni og sest í dalnum í 61 ár. Hún kemur til með að gera það áfram, en það verður einhvernvegin ekki það sama án þín elsku amma.

Við hittumst síðar amma mín, þá verður einhver til að segja mér að ég verði feit af bjórdrykkju, tali of hratt og ég megi hringja oftar, þó að ég hringi einu sinni í viku. Skamma mig fyrir að vera ósanngjörn við Pé og minna mig á að sambúð er vinna tveggja aðila, ekki frekjugangur annars ;-) Einhver verður að setja kornflex í röndótta barbershopdallinn fyrir ofan hrærivélina og baka döðlutertuna sem fellur alltaf í miðjuni, en inniheldur himneskt krem á milli. Setja of mikið mýkingarefni í handklæðin, horfa á leiðarljós og jafnvel bæta íslenskum brennsara í kaffið.

Þegar við hittumst, þá verður þetta allt gert og meira til. Hlakka til að sjá þig.

Ingunn B. Einarsdóttir

óheppnishelgi

2007-03-17T20:57:00.000Z

Þessi helgi hefur verið mjög áhugaverð hingað til.

Við Nonni höfðum greinilega einhverja óheppni með okkur sem virkaði bara á aðra. Sáum fyrst tvo árekstra og svo stelpu sem hringsnérist á bílnum sínum upp í árbæ.

Fórum svo á kaffivagninn og vorum þar í okkar mestu makindum þegar við sáum lítinn bát sigla inn í höfnina. Maðurinn á bátnum virtist ekkert vera alltof flinkur að stjórna honum og tók þennan fína hálfhring og klessti svo á bryggjuna.

Á bryggjunni stóð maður sem greip í handriðið á bátnum og ætlaði greinilega að stíga um borð. Hann kom samt bara öðrum fætinum á dekkið því svo byrjaði báturinn að færast frá bryggjunni. Maðurinn lenti í spíkat sem hvaða fimleikastjarna sem er hefði getað verið stolt af og datt síðan fram af bryggjunni og hékk á handriðinu...og datt svo í sjóinn. Svamlaði þar um í smá stund og komst svo upp á bryggjuna. Faldi sig á bak við jeppann sinn svo við sáum ekkert nema lappir og svo vatnsgusur þegar maðurinn reyndi að vinda fötin sín. Hann fékk svo pappaspjald hjá vini sínum til að setja í sætið á jeppanum og keyrði svo burt, innvafinn í þennan fína pappa.

Á meðan á þessu stóð starði allt liðið á kaffivagninum á greyið manninn og var ægilega alvarlegt á svip. nema ég og nonni, við köfnuðum næstum af hlátri. enda erum við illkvittin með eindæmum.

Enda hefur mér hefnst fyrir það síðan. Mér tókst nefnilega að slasa mig í morgun. Eins og allir vita sem mig þekkja slasa ég mig ekkert nema gera það fáranlega. Axlarliðurinn minn var ekki að gera góða hluti, datt held ég næstum úr honum, nema hann small til baka næstum strax. Þetta var að minnsta kosti ansi sársaukafullt.

Og hvað gerðist?

Ég hnerraði...jebb, engum nema mér tekst að fara úr axlarlið við það að hnerra.

Ég held að þetta sé kærkomin viðbót við þennan lista hér.

geómetríz
-slösuð kind-

Til hamingju...

2007-03-15T22:26:00.000Z

med afmaelid amma,

med lifid litlibrodir,

med litlabrodir ollsomul!

Golsa
- midjubarn -

Ég á heima

2007-03-13T12:35:00.000Z

... einhversstaðar!

Sem er mjög gott miðað við stöðu mála þegar ég yfirgaf Ísland.

Karna Sigurðardóttir
22A Garden Road
Northland
6012 Wellington
New Zealand

Meira síðar,

Golsa
- yfir holt og hæðir -

góðan dag og gleðilegt nýtt ár

2007-03-12T23:38:00.000Z

ég lifi enn. ég er bara rétt að vakna upp úr rotinu eftir jólin, mamma tróð svo miklu keti í örverpið að ég hef legið í dái síðan.

eníveis, þeir sem eru að vonast til að ég hafi upp á krassandi slúður að bjóða verða held ég fyrir ágætis vonbrigðum. búin að vinna og sofa og kíkja út á lífið þess á milli.

er orðin virðulegur kennari á talsamband við útlönd og fór þess vegna í fjögurra daga útlegð til keflavíkur um daginn í kennsluferð. gaman frá því að segja að ég held að það sé í fyrsta skipti sem ég kem til keflavíkur, hef hingað til bara brunað þarna framhjá til að flýja land.

er komin í það að skrifa starfsmannahandbók og fara yfir hinar ýmsustu útlandasímtalaupplýsingar svo ég hef í alvörunni haft eitthvað að gera í vinnunni undanfarið annað en að blogga og spila bubbles :) en ég verð klárlega að fara að vinna í að vera slappari starfskraftur!

við nonnsens keyptum okkur myndavél um daginn. það eru strax komnir brestir í sambandið og ég er farin að sjá fyrir mér skilnað og hatursfulla forræðisdeilu yfir gripnum. nonni er nefnilega með alvarlegar ranghugmyndir um að hann hafi svo mikið við hana að gera út á sjó, þar sé svo mikið um fagurt myndefni. ég set nú alveg spurningarmerki við hversu margar gordjöss myndir er hægt að taka af sjó og sveittum gömlum sjómönnum að mála.

myndavélin mín er sumsé út á sjó og mér líður eins og sophiu hansen.

við skötuhjú smelltum okkur nú samt í bíltúr meðan allt lék í lyndi til að prufa gripinn. við skrunuðum um staði sem ég hef aldrei séð eins og til að mynda grindavík. sumsé búin að afreka að koma í tvo suðurnesjabæi, á einni viku.

við keyrðum til dæmis fram á þetta fagra rolluskilti:

sem var aldeilis ekki þarna að óþörfu að vara við brjáluðu sauðfé:

nonna fannst ég vera of artífartí:

og horfði á mig með hneykslun í augnaráðinu:

svo ég ákvað bara að hrella hann aðeins meir:

en hápunktur ferðarinnar var klárlega þegar nonni tilkynnti mér að við værum að aka framhjá fjallinu þorbirni í grindavík sem er klárlega með sigdal. ég missti kúlið og linnti ekki látum fyrr en ég fékk að taka mynd...

oseisei já, annars hefur ég ekkert misst mig í viðburðunum, fór reyndar á árshátíð um helgina og ætla ekkert að vera að sýna mikið myndir þaðan, enda segir mamma alltaf að ég eigi að vera uppalendum mínum til sóma og ég ætla bara að leyfa henni að halda það áfram að ég sé það ætíð :) en kvöldið innihélt meðal annars gullskó, æsispennandi lyftuferð, sjálfsafgreiðslu á barnum og skóburstunarvélarprófun. þið verðið bara að múta huldu til að fá myndirnar!

vona að þið náið ykkur einhverndaginn af áfallinu yfir að sjá blogg frá mér!

geómetríz
-apfelmus mit gemuse-

Þæft fólk

2007-02-19T11:40:00.000Z

Þó vor sé í lofti er haust í hjarta mínu. Sumarið er á enda. Tíminn hefur verið góður og margt brallað. Ég hef lagt dágóða slummu inn á Reynslubankann og náð að leggja örlítinn farareyri inn á Peningabankann í leiðinni.

Þjóðahátíð gekk vel og mér heyrðist fólk almennt vera ánægt. Viðurkenni að ég var í smá spennufalli í gærkveld en ég hef tekið því rólega í dag. Ég braut odd af oflæti mínu um daginn og bjó mér til myspace síðu. Hugmyndin var að setja inn cv, ljósmyndir og þess háttar en ég sé að þónokkur tiltekt þarf að fara fram svo hægt sé að nota þennan ágæta miðil á þann hátt. Ætli það verði ekki gert í næsta lífi. Svo ég viðurkenni syndir mínar þá hef ég legið inni á þessu samfélagsneti í allan morgun.

Um daginn kom upp hugmynd að hittast gera fimmtudagskveld að kaffihúsakveldum, án nokkurs tilgangs eða hugsjóna. Hugsprettan (conceptið) er einföld: Fólk hittist. Allir mega vera með, og ef maður vill ekki vera með - þá bara sest maður á eitthvað annað borð. Þessi kveld hafa virkað ótrúlega vel og mér virðast nokkrar vináttur hafa skotið rótum í kjölfarið.

Ég er þæfingar- og ullarnörd á háu stigi. Því þótti mér einkar ánægjulegt þegar Lóa sagði á einu slíku kveldi: "Þetta er eins og að þæfa fólk". Þessi litla setning útskýrir svo margt sem ég hafði ekki orð til að skýra, og að vissu leyti er hún liturinn sem teiknar dvöl mína hérna.

Þjóðahátíð þæfir fólk, fimmtudagskveld þæfa fólk, myspace þæfir fólk.

Best að takast á við síðasta vinnudag þessa sumars - byrjum í baði.

Golsa
- sátt með sumarið -